Er vinnustaðurinn þinn að fara yfir um vegna EM? Sendið okkur myndir af stemningunni

Það örlar á spennu hjá Íslendingum fyrir leik karlalandsliðsins við Portúgali á Evrópumeistaramótinu í knattspyrnu í kvöld.

Vísir hefur fengið veður af ófáum vinnustöðum þar sem starfsmenn eru nánast óstarfhæfir fyrir eftirvæntingu enda um að ræða stærsta leik í sögu íslenska karlalandsliðsins.

Sjá einnig: Íslendingar að fara úr spennu: „Óvinnufær fyrir leikinn í kvöld!“

Þá eru margar vinnustöðvarnar undirlagðar hvers kyns EM-glingri og hafa margir jafnvel tekið upp á því að klæðast landsliðstreyjunni - slík er spennan.

Vísir hvetur lesendur til að senda sér skemmtilegar myndir eða myndskeið af undirbúningi vinnustaðarins fyrir leikinn í kvöld. Við munum svo birta allt heila klabbið síðar í dag.

Tilvalin leið til að senda strákunum okkar heillaóskir og sýna þeim að þjóðin stendur þétt við bakið á þeim fyrir rimmuna í kvöld.

Þið getið sent okkur myndirnar með skilaboðum á Facebook-síðu Vísis, www.facebook.com/visir.is eða með tölvupósti á ritstjorn@visir.is