Viðar Örn vinur vina sinna: Flogið til Amsterdam og einkapartý með Aroni Can og Skímó í Reykjavík

Viðar Örn Kjartansson er atvinnumaður í knattspyrnu og leikur með ísraelska liðinu Maccabi Tel Aviv. Selfyssingurinn hefur komið víða við á sínum ferli og meðal annars leikið í Svíþjóð og Kína en nú býr hann í Tel Aviv. Í gegnum árin hefur töluvert verið fjallað um laun Viðars, en þau þykja mjög góð.

Viðar Örn fær sitt jólafrí eins og margir atvinnumenn í íþróttum og virðist hann vera nýta sitt frí til hins ýtrasta. Viðar bauð átta vinum sínum út að borða á Tryggvaskálann á Selfossi um helgina og stóð skemmtunin fram á kvöld.

Eftir það fóru drengirnir upp í rútu og var þeim ekið í Flugstöð Leifs Eiríkssonar. Þaðan flugu þeir út til Amsterdam þar sem þeir vinirnir skemmtu sér saman um helgina, allt í boði Viðars Arnar.

Samkvæmt heimildum Vísis er Viðar Örn með yfir 100 milljónir króna í árslaun hjá Maccabi Tel Aviv.

Sjá einnig: Viðar Örn dýrastur og næst launahæstur

Hópurinn kom til Íslands á mánudaginn og voru þeir sóttir á rútu og ekið beint á skemmtistað í Grafarvogi og var haldið sérstakt jólahlaðborð vinahópsins.

Á þeirri skemmtun kom Skítamórall, sem er einmitt frá Selfossi, fram og einnig Aron Can. Allt þetta sást vel á samfélagsmiðlinum Snapchat og mátti meðal annars sjá Viðar Örn sjálfan koma fram með Skítamóral og taka lagið.

Samkvæmt heimildum Vísis var öll helgin í boði Viðars og máttu vinirnir varla opna veskið sitt. Viðar er svo sannarlega vinur vina sinna. 

Ekki náðist í Viðar Örn við vinnslu fréttarinnar. 

Hér að neðan má sjá myndir sem birtust á Instagram úr ferðinni. Allt eru þetta vinir Viðars frá Selfossi. Hér stilla vinir Viðars sér upp við sýki í Amsterdam.

Gaman í gær. Gaman í dag

A photo posted by Gunnar Ingi Jónsson (@gunnsi21) on Dec 18, 2016 at 7:27am PST

Hér má sjá tvo vini Viðars úti á lífinu í Amsterdam

Ekkert random myndataka #Gunnsi21 #eingleðikonakannski? #Ammayrðistolt #Amsterdam #Onewayout #Keyrumþettaigang #Isl-Holland #Séeftirþessuámorgun

A photo posted by Fannar Ólafsson (@fannargo) on Dec 18, 2016 at 4:20pm PST

Hópurinn á flugvellinum í Amsterdam

Frón áðan eftirpartý í Amsterdam

A photo posted by @raggitrausta on Dec 18, 2016 at 4:25am PST