Sævar Helgi svarar því hvernig maður stundar kynlíf í geimnum

Logi Bergmann fékk skemmtilega gesti til sín á Stöð 2 á föstudagskvöldið og var einn af þeim Sævar Helgi Bragason, áhugamaður um stjörnufræði, og sló hann á létta strengi í samtali við Loga. Þar sagði hann frá því þegar einn sex ára drengur á Akureyri spurði hann út í það hvernig fólk stundar kynlíf í geimnum.

„Til þess að stunda kynlíf yfir höfuð þá þurfum við þyngdarkraftinn og ef tvær manneskjur svífa um í loftinu þá þurfa þær þyngdarkraftinn til þess að stunda almennilegt kynlíf,“ segir Sævar Helgi í stórkostlegu atriði í þætti Loga.

„Þannig í geimnum yrði sennilega besta að stunda einhverskonar fjötrakynlíf. Þú þarft svolítið að tjóðra þig við geimskipið, annars svífur þú bara áfram.“ Hér að ofan má sjá útskýringar Sævars.