Rassakláði Jennifer Lawrence varð hljóðmanni næstum því að bana

Það er ekki á hverjum degi sem maður heyrir Hollywood leikkonu tala um að klóra sér í rassinum. Það gerði aftur á móti Jennifer Lawrence í spjallþætti Graham Norton á dögunum.

Lawrence var gestur hjá Bretanum ásamt Chris Pratt og Jamie Oliver. Lawrence og Pratt fara með aðalhlutverkið í myndinni Passengers sem verður frumsýnd milli jóla og nýárs.

Norton kom leikkonunni á óvart með því að rifja upp óheppilegt atvik á Hawai þegar hún var að taka upp myndina Hunger Games.

„Við vorum að taka upp á Hawai og í kringum heilaga steina sem fólk má alls ekki setjast ofan á, þú mátt semsagt ekki setja kynfærin þín nálægt þessum steinum,“ sagði Lawrence í þættinum.

„Ég var alltaf í blautbúningi og það var svo gott að klóra sér á rassinum á þessum steinum. Eitt sinn losnaði steinn og rúllaði niður fjallið og drap næstum því hljóðmanninn okkar,“ sagði leikkonan en hér að neðan má sjá myndband af viðtalinu.