Umfjöllun og viðtöl: Haukar - Valur 34-29 | Sjötti sigur Hauka í röð Guðmundur Marinó Ingvarsson á Ásvöllum skrifar 23. nóvember 2016 21:30 Janus Daði Smárason í leik með Haukum á móti Val. Vísir/Ernir Haukar lögðu Val 34-29 í þréttándu umferð Olís-deildar karla í handbolta á heimavelli í kvöld. Haukar léku frábærlega í fyrri hálfleik gegn hálf andlausu liði Vals. Haukar voru 19-13 yfir í hálfleik og gat liðið hreinlega skorað að vild í hálfleiknum. Þó Haukar hafi skorað fyrsta mark seinni hálfleiks var ekki sama ákefð í leik liðsins í seinni hálfleik en að sama skapi fóru Valsmenn loksins að láta finna fyrir sér og unnu forskotið upp jafnt og þétt þar til munaði aðeins einu marki þegar fimm mínútur rúmlega voru eftir af leiknum. Haukar skoruðu fjögur síðustu mörk leiksins og tryggðu sér þar með sjötta sigur sinn í röð en þetta var aðeins annað tap Vals í níu leikjum. Guðmundur Árni Ólafsson hægri hornamaður Hauka fór mikinn í leiknum og skoraði 11 mörk. Daníel Þór Ingason fór einnig illa með sína gömlu félaga. Heimir Óli Heimisson fór mikinn á lokakaflanum og Janus Daði Smárason var drjúgur að leika félaga sína uppi þó hann hafi oft leikið betur sóknarlega. Josip Juric og Anton Rúnarsson fóru fremstir í flokki þegar Valur vann upp forskot Hauka með mörgum góðum mörkum. Haukar eru nú í öðru sæti deildarinnar, tveimur stigum á eftir Aftureldingu sem á leik til góða. Valur er tveimur stigum á eftir Haukum og á einnig leik inni. Janus Daði: Mikilvægt að ná fimm marka sigrinum„Við dettum kannski full mikið á sjálfsstýringu og þá erum við ekki nógu góður og þá söxuðu þeir á okkur,“ sagði Janus Daði Smárason leikstjórnandi Hauka aðspurður af hverju Haukar gerðu leikinn spennandi. „Við erum góðir í fyrri og þá fá þeir ekki mikið í bakið á okkur. Það datt aðeins botninn úr sóknarleiknum á kafla í seinni hálfleik. Við þurfum aðeins að skoða það. „Við höfum lent í þessu áður. Þetta var aðeins afturför frá því sem hefur verið í síðustu leikjum. En það var mikilvægt að ná fimm marka sigrinum,“ sagði Janus. Valur vann fyrri viðureign liðanna með fjórum mörkum en Hauka unnu leikinn í kvöld með fimm. Haukar eru því með betri innbyrðis árangur verði liðin jöfn að stigum en liðin eiga þó eftir að mætast einu sinni til viðbótar í deildarkeppninni. „Við fórum yfir þetta leikhléinu í lokin. Þá höfðum við að einhverju að stefna að lokin þegar leikurinn var í rauninni búinn. „Ég klikkaði reyndar úr skotinu en við fengum hraðaupphlaup í lokin.“ Haukar hafa nú unnið sex leiki í röð og leikið að mestu leyti mjög vel í þeim leikjum og þá sérstaklega í þremur leikjunum á undan þessum. „Fyrri hálfleikurinn var góður. En það vantaði þennan neista sem hefur einkennt okkur síðustu þrjá leiki í seinni hálfleik. Valsmenn voru góðir á móti. „Við hættum að standa á hendurnar á þeim og þeir settu hann þá bara í skeytin. Við fengum tvær góðar varnir í lokin og það vann leikinn í rauninni fyrir okkur,“ sagði Janus. Anton: Fráköstin duttu þeirra megin„Menn þurfa ekki mikið til að gíra sig upp fyrir toppslag á móti Haukum. Þetta er alvöru leikur og ég hélt að menn myndu mæta 100% gíraðir,“ sagði Anton Rúnarsson skytta Vals aðspurður af hverju Valsmenn virtust mæta andlausir til leiks í kvöld. „Mér fannst við vera einu skrefi eftir á varnarlega. Við náum ekki að klukka þá nógu mikið og erum komnir með tvö fríköst eftir 16 mínútur. Það dugar ekki í svona leik. Það þarf að mæta 100% í svona leik. „Það var munurinn. Varnarleikurinn okkar á móti þeirra varnarleik,“ sagði Anton. Valsmenn sýna mikinn karakter og þrautseigju þegar liðið nær að minnka forystu Hauka niður í eitt mark þegar fimm mínútur voru eftir af leiknum. „Þetta var frábær karakter og vel gert. Þetta var að smella hjá okkur en svo duttu fráköstin þeirra megin og þeir koma þessu í tvö. Þá var þetta orðið þungt eftir að hafa elt allan leikinn.“ Valur lék í Evrópukeppni um helgina en Anton vildi ekki meina að þreyta hafi setið í liðinu undir lokin. „Menn eru í þessu til að spila. Ég held að allir vilja spila sem flesta leiki þó við séum að spila þrjá leiki á viku. Þetta er það sem við lifum fyrir. „Þetta var hörku leikur og vel tekið á því allan leikinn. Sumir eru þreyttari en aðrir.“ „Við spiluðum vel í sókninni og vörnin var góð á köflum. Ég hefði viljað hafa hana aðeins betri í dag og þá er ég sannfærður um að við hefðum tekið þá. Þeir hittu líka á góðan dag og hafa verið á góðu skriði. Það má ekki gleyma því,“ sagði Anton að lokum. Olís-deild karla Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Uppgjör: Víkingur - KA 4-2 | Ekkert fær meistarana stöðvað Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Haukar lögðu Val 34-29 í þréttándu umferð Olís-deildar karla í handbolta á heimavelli í kvöld. Haukar léku frábærlega í fyrri hálfleik gegn hálf andlausu liði Vals. Haukar voru 19-13 yfir í hálfleik og gat liðið hreinlega skorað að vild í hálfleiknum. Þó Haukar hafi skorað fyrsta mark seinni hálfleiks var ekki sama ákefð í leik liðsins í seinni hálfleik en að sama skapi fóru Valsmenn loksins að láta finna fyrir sér og unnu forskotið upp jafnt og þétt þar til munaði aðeins einu marki þegar fimm mínútur rúmlega voru eftir af leiknum. Haukar skoruðu fjögur síðustu mörk leiksins og tryggðu sér þar með sjötta sigur sinn í röð en þetta var aðeins annað tap Vals í níu leikjum. Guðmundur Árni Ólafsson hægri hornamaður Hauka fór mikinn í leiknum og skoraði 11 mörk. Daníel Þór Ingason fór einnig illa með sína gömlu félaga. Heimir Óli Heimisson fór mikinn á lokakaflanum og Janus Daði Smárason var drjúgur að leika félaga sína uppi þó hann hafi oft leikið betur sóknarlega. Josip Juric og Anton Rúnarsson fóru fremstir í flokki þegar Valur vann upp forskot Hauka með mörgum góðum mörkum. Haukar eru nú í öðru sæti deildarinnar, tveimur stigum á eftir Aftureldingu sem á leik til góða. Valur er tveimur stigum á eftir Haukum og á einnig leik inni. Janus Daði: Mikilvægt að ná fimm marka sigrinum„Við dettum kannski full mikið á sjálfsstýringu og þá erum við ekki nógu góður og þá söxuðu þeir á okkur,“ sagði Janus Daði Smárason leikstjórnandi Hauka aðspurður af hverju Haukar gerðu leikinn spennandi. „Við erum góðir í fyrri og þá fá þeir ekki mikið í bakið á okkur. Það datt aðeins botninn úr sóknarleiknum á kafla í seinni hálfleik. Við þurfum aðeins að skoða það. „Við höfum lent í þessu áður. Þetta var aðeins afturför frá því sem hefur verið í síðustu leikjum. En það var mikilvægt að ná fimm marka sigrinum,“ sagði Janus. Valur vann fyrri viðureign liðanna með fjórum mörkum en Hauka unnu leikinn í kvöld með fimm. Haukar eru því með betri innbyrðis árangur verði liðin jöfn að stigum en liðin eiga þó eftir að mætast einu sinni til viðbótar í deildarkeppninni. „Við fórum yfir þetta leikhléinu í lokin. Þá höfðum við að einhverju að stefna að lokin þegar leikurinn var í rauninni búinn. „Ég klikkaði reyndar úr skotinu en við fengum hraðaupphlaup í lokin.“ Haukar hafa nú unnið sex leiki í röð og leikið að mestu leyti mjög vel í þeim leikjum og þá sérstaklega í þremur leikjunum á undan þessum. „Fyrri hálfleikurinn var góður. En það vantaði þennan neista sem hefur einkennt okkur síðustu þrjá leiki í seinni hálfleik. Valsmenn voru góðir á móti. „Við hættum að standa á hendurnar á þeim og þeir settu hann þá bara í skeytin. Við fengum tvær góðar varnir í lokin og það vann leikinn í rauninni fyrir okkur,“ sagði Janus. Anton: Fráköstin duttu þeirra megin„Menn þurfa ekki mikið til að gíra sig upp fyrir toppslag á móti Haukum. Þetta er alvöru leikur og ég hélt að menn myndu mæta 100% gíraðir,“ sagði Anton Rúnarsson skytta Vals aðspurður af hverju Valsmenn virtust mæta andlausir til leiks í kvöld. „Mér fannst við vera einu skrefi eftir á varnarlega. Við náum ekki að klukka þá nógu mikið og erum komnir með tvö fríköst eftir 16 mínútur. Það dugar ekki í svona leik. Það þarf að mæta 100% í svona leik. „Það var munurinn. Varnarleikurinn okkar á móti þeirra varnarleik,“ sagði Anton. Valsmenn sýna mikinn karakter og þrautseigju þegar liðið nær að minnka forystu Hauka niður í eitt mark þegar fimm mínútur voru eftir af leiknum. „Þetta var frábær karakter og vel gert. Þetta var að smella hjá okkur en svo duttu fráköstin þeirra megin og þeir koma þessu í tvö. Þá var þetta orðið þungt eftir að hafa elt allan leikinn.“ Valur lék í Evrópukeppni um helgina en Anton vildi ekki meina að þreyta hafi setið í liðinu undir lokin. „Menn eru í þessu til að spila. Ég held að allir vilja spila sem flesta leiki þó við séum að spila þrjá leiki á viku. Þetta er það sem við lifum fyrir. „Þetta var hörku leikur og vel tekið á því allan leikinn. Sumir eru þreyttari en aðrir.“ „Við spiluðum vel í sókninni og vörnin var góð á köflum. Ég hefði viljað hafa hana aðeins betri í dag og þá er ég sannfærður um að við hefðum tekið þá. Þeir hittu líka á góðan dag og hafa verið á góðu skriði. Það má ekki gleyma því,“ sagði Anton að lokum.
Olís-deild karla Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn „Hver karfa skiptir máli þannig að ég varð smá reiður“ Körfubolti Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Ekki boðlegt á þessu getustigi“ Enski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Uppgjör: Víkingur - KA 4-2 | Ekkert fær meistarana stöðvað Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn