Moses loksins kominn til fyrirheitna landsins eftir langa eyðimerkurgöngu Tryggvi Páll Tryggvason skrifar 28. nóvember 2016 07:00 Victor Moses var gleymdur og grafinn í upphafi tímabils en er nú ómissandi hluti af toppliði Chelsea. Hann var frábær í stórleik helgarinnar og tryggði Chelsea afar mikilvægan sigur gegn Tottenham á laugardaginn. vísir/getty Hinn 25 ára gamli Victor Moses skaut Chelsea á topp ensku Úrvalsdeildarinnar um helgina þegar hann skoraði sigurmarkið í stórleik helgarinnar gegn Tottenham. Fátt virðist geta stoppað sigurgöngu Chelsea sem hófst þegar Antonio Conte skipti yfir í 3-4-3. Þar leikur Moses lykilhlutverk sem hægri vængbakvörður. Hann vakti snemma athygli en líkt og margir knattspyrnumenn sem ganga til liðs við stórlið á unga aldri hefur hann átt erfitt uppdráttar. Þangað til nú.Afdrifaríkt klúður Moses var ein af vonarstjörnum enska boltans þegar hann kom fram á sjónarsviðið hjá Crystal Palace árið 2007, aðeins 16 ára gamall. Margir leikmenn á hans aldri brenna sig á því að ganga of snemma til liðs við stóru félögin þar sem þeir verða undir í samkeppni við dýrari og hæfileikaríkari leikmenn. Moses virtist því stíga rétt skref þegar hann gekk til liðs við Wigan árið 2010. Þar fékk hann sín fyrstu tækifæri í Úrvalsdeildinni og nýtti þau vel, svo vel að árið 2012 keypti Chelsea hann eftir mikinn eltingarleik. Fyrsta tímabilið gekk vel en eftir að José Mourinho tók við Chelsea 2013 var Moses sendur á láni til Liverpool, Stoke og West Ham án árangurs. Var hann helst þekktur fyrir að vera maðurinn sem mistókst að tryggja Liverpool sigurinn á lokamínútunum í afdrifaríku 3-3 jafntefli liðsins gegn Crystal Palace sem margir telja að hafa kostað Liverpool titilinn árið 2014.Antonio Conte ber tilfinningar sínar á borð.vísir/gettyGleymdur og grafinn Það var því allt eins líklegt að Moses myndi hverfa í eilífðina sem einn af þessum ungu leikmönnum sem lofa góðu en lítið verður úr. Fátt gaf til kynna að það myndi breytast með komu Antonio Conte til Chelsea en í fyrstu fimm leikjum tímabilsins fékk Moses afar takmarkaðan spilatíma. Eftir að liðið brotlenti illa gegn Liverpool og Arsenal í upphafi tímabils þurfti Conte hins vegar að bregðast við til að snúa genginu við. Svar hans var að leita aftur á náðir 3-4-3 leikkerfisins sem Conte nýtti óspart með Juventus og Ítalíu. Þar kom Moses inn í hægri vængbakvarðarstöðuna. Það er ekki fyrir hvern sem er að leysa slíka stöðu enda þarf sá hinn sami að vera í gríðarlegu formi til þess að geta sinnt varnar- og sóknarhlutverkinu sem fylgir því að sjá einn um annan kantinn. Moses virðist smellpassa í þetta hlutverk. Sem sóknarsinnaður kantmaður að upplagi nýtast kraftar hans vel á fram á við. Sigurmarkið gegn Tottenham var fjórða mark hans á tímabilinu og aðeins helstu stjörnur Chelsea, Eden Hazard og Diego Costa, hafa skorað fleiri mörk á tímabilinu. Skiptingin í 3-4-3 hefur umbreytt leik Chelsea og galdrað fram það besta í Hazard og Costa. Sjö leikja sigurhrina Chelsea hefur skotið þeim á toppinn og allt þetta væri vart mögulegt án Moses og Marcos Alonso í vængbakvarðarstöðunum. Þeir losa um sköpunargáfu Hazard, Pedro og Costa í framlínustöðunni með því að frelsa þá undan varnarskyldum sínum en styðja jafnframt við bakið á sóknarleiknum líkt og markaskorun Moses gefur til kynna. „Moses býr yfir miklum hæfileikum, hann er tæknilega góður, nautsterkur og getur séð um 70 metra á vellinum einn síns liðs,“ sagði Conte eftir sigur Chelsea gegn Middlesbrough um þar síðustu helgi þar sem Moses var valinn maður leiksins. „Það er kostulegt að leikmaður eins og hann hafi verið svona vanmetinn.“Moses hefur blómstrað í stöðu vængbakvarðar.vísir/gettyMeð Conte í eyranu Agi hans og vinnusemi bætir einnig upp það sem á vantar í varnarleiknum, fáir leikmenn Chelsea hlaupa jafn mikið og Moses í hverjum leik auk þess sem það hjálpar að hafa vélar á borð við Nemanja Matic, N’Golo Kanté og Cesar Azpilicueta sér við hlið. Þar að auki fer mikill hluti af leik Moses fram við hliðarlínuna og í minnst 45 mínútur í hverjum leik hefur hann Conte í eyranu gargandi leiðbeiningar á sig. „Ég er búinn að finna heimili mitt,“ sagði Moses eftir leikinn gegn Tottenham eftir að hafa verið valinn maður leiksins, annan leikinn í röð. „Stjórinn gaf mér tækifæri til þess að tjá mig og ég nýt þess í botn. Ég vil bara fá að spila fótbolta og njóta mín þegar ég er úti á vellinum.“ Eftir strembin ár virðist Moses því loksins vera kominn á fast land. Sjálfur virðist hann bara ætla að njóta augnabliksins, loksins orðinn lykilmaður í hungruðu liði Chelsea sem stefnir hraðbyri að titlinum. Enski boltinn Mest lesið Real Madrid Evrópumeistari í fimmtánda sinn Fótbolti Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Uppgjörið: KA - ÍA 2-3 | Skagamenn sóttu sigur norður Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Karabatic skaut niður markvörðinn í síðasta skoti ferilsins Handbolti McIlroy fékk löggu til að afhenda konu sinni skilnaðarpappírana Golf Fleiri fréttir Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Sjá meira
Hinn 25 ára gamli Victor Moses skaut Chelsea á topp ensku Úrvalsdeildarinnar um helgina þegar hann skoraði sigurmarkið í stórleik helgarinnar gegn Tottenham. Fátt virðist geta stoppað sigurgöngu Chelsea sem hófst þegar Antonio Conte skipti yfir í 3-4-3. Þar leikur Moses lykilhlutverk sem hægri vængbakvörður. Hann vakti snemma athygli en líkt og margir knattspyrnumenn sem ganga til liðs við stórlið á unga aldri hefur hann átt erfitt uppdráttar. Þangað til nú.Afdrifaríkt klúður Moses var ein af vonarstjörnum enska boltans þegar hann kom fram á sjónarsviðið hjá Crystal Palace árið 2007, aðeins 16 ára gamall. Margir leikmenn á hans aldri brenna sig á því að ganga of snemma til liðs við stóru félögin þar sem þeir verða undir í samkeppni við dýrari og hæfileikaríkari leikmenn. Moses virtist því stíga rétt skref þegar hann gekk til liðs við Wigan árið 2010. Þar fékk hann sín fyrstu tækifæri í Úrvalsdeildinni og nýtti þau vel, svo vel að árið 2012 keypti Chelsea hann eftir mikinn eltingarleik. Fyrsta tímabilið gekk vel en eftir að José Mourinho tók við Chelsea 2013 var Moses sendur á láni til Liverpool, Stoke og West Ham án árangurs. Var hann helst þekktur fyrir að vera maðurinn sem mistókst að tryggja Liverpool sigurinn á lokamínútunum í afdrifaríku 3-3 jafntefli liðsins gegn Crystal Palace sem margir telja að hafa kostað Liverpool titilinn árið 2014.Antonio Conte ber tilfinningar sínar á borð.vísir/gettyGleymdur og grafinn Það var því allt eins líklegt að Moses myndi hverfa í eilífðina sem einn af þessum ungu leikmönnum sem lofa góðu en lítið verður úr. Fátt gaf til kynna að það myndi breytast með komu Antonio Conte til Chelsea en í fyrstu fimm leikjum tímabilsins fékk Moses afar takmarkaðan spilatíma. Eftir að liðið brotlenti illa gegn Liverpool og Arsenal í upphafi tímabils þurfti Conte hins vegar að bregðast við til að snúa genginu við. Svar hans var að leita aftur á náðir 3-4-3 leikkerfisins sem Conte nýtti óspart með Juventus og Ítalíu. Þar kom Moses inn í hægri vængbakvarðarstöðuna. Það er ekki fyrir hvern sem er að leysa slíka stöðu enda þarf sá hinn sami að vera í gríðarlegu formi til þess að geta sinnt varnar- og sóknarhlutverkinu sem fylgir því að sjá einn um annan kantinn. Moses virðist smellpassa í þetta hlutverk. Sem sóknarsinnaður kantmaður að upplagi nýtast kraftar hans vel á fram á við. Sigurmarkið gegn Tottenham var fjórða mark hans á tímabilinu og aðeins helstu stjörnur Chelsea, Eden Hazard og Diego Costa, hafa skorað fleiri mörk á tímabilinu. Skiptingin í 3-4-3 hefur umbreytt leik Chelsea og galdrað fram það besta í Hazard og Costa. Sjö leikja sigurhrina Chelsea hefur skotið þeim á toppinn og allt þetta væri vart mögulegt án Moses og Marcos Alonso í vængbakvarðarstöðunum. Þeir losa um sköpunargáfu Hazard, Pedro og Costa í framlínustöðunni með því að frelsa þá undan varnarskyldum sínum en styðja jafnframt við bakið á sóknarleiknum líkt og markaskorun Moses gefur til kynna. „Moses býr yfir miklum hæfileikum, hann er tæknilega góður, nautsterkur og getur séð um 70 metra á vellinum einn síns liðs,“ sagði Conte eftir sigur Chelsea gegn Middlesbrough um þar síðustu helgi þar sem Moses var valinn maður leiksins. „Það er kostulegt að leikmaður eins og hann hafi verið svona vanmetinn.“Moses hefur blómstrað í stöðu vængbakvarðar.vísir/gettyMeð Conte í eyranu Agi hans og vinnusemi bætir einnig upp það sem á vantar í varnarleiknum, fáir leikmenn Chelsea hlaupa jafn mikið og Moses í hverjum leik auk þess sem það hjálpar að hafa vélar á borð við Nemanja Matic, N’Golo Kanté og Cesar Azpilicueta sér við hlið. Þar að auki fer mikill hluti af leik Moses fram við hliðarlínuna og í minnst 45 mínútur í hverjum leik hefur hann Conte í eyranu gargandi leiðbeiningar á sig. „Ég er búinn að finna heimili mitt,“ sagði Moses eftir leikinn gegn Tottenham eftir að hafa verið valinn maður leiksins, annan leikinn í röð. „Stjórinn gaf mér tækifæri til þess að tjá mig og ég nýt þess í botn. Ég vil bara fá að spila fótbolta og njóta mín þegar ég er úti á vellinum.“ Eftir strembin ár virðist Moses því loksins vera kominn á fast land. Sjálfur virðist hann bara ætla að njóta augnabliksins, loksins orðinn lykilmaður í hungruðu liði Chelsea sem stefnir hraðbyri að titlinum.
Enski boltinn Mest lesið Real Madrid Evrópumeistari í fimmtánda sinn Fótbolti Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Uppgjörið: KA - ÍA 2-3 | Skagamenn sóttu sigur norður Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Karabatic skaut niður markvörðinn í síðasta skoti ferilsins Handbolti McIlroy fékk löggu til að afhenda konu sinni skilnaðarpappírana Golf Fleiri fréttir Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Sjá meira