Bein útsending: Söfnunarþáttur fyrir Stígamót

Sérstakur söfnunarþáttur fyrir Stígamót verður í beinni útsendingu og opinni dagskrá á Stöð 2 í kvöld.

Þátturinn hefst klukkan 19:10 en með honum nær söfnunarátak Stígamóta, Styttum svartnættið, hámarki sínu. Markmið átaksins er að efla og bæta þjónustu um landa allt við brotaþola sem hafa orðið fyrir kynferðisofbeldi. Myndbönd sem Stígamót létu gera vegna átaksins hafa vakið mikla athygli og má sjá eitt þeirra hér að neðan.

Kynnar í þættinum í kvöld eru þau Sindri Sindrason og Sigrún Ósk Kristjánsdóttir en boðið verður upp á veglega skemmtidagskrá þar sem landslið íslenskra grínista kemur saman, skemmtir þjóðinni og hvetur hana um leið til að styrkja gott málefni.