Eldur kom upp í bíl á Hringbraut

Eldur kviknaði í vél bíls á Hringbraut nærri Umferðarmiðstöðunni BSÍ á tíunda tímanum í kvöld. Ökumaður bílsins tók eftir því að reykur barst undan vélarhlífinni og skömmu seinna blossaði upp eldur þar. Slökkvilið var kallað á vettvang og gekk greiðlega að slökkva eldinn, en bíllinn er líklegast ónýtur.

Ökumaður bílsins var einn á ferðinni þegar eldurinn kom upp og tókst honum að keyra út í kant og fara út úr bílnum.

Þær upplýsingar fengust frá Slökkvliðinu á höfuðborgarsvæðinu að einn bíll hefði verið sendur á vettvang.