Mæðgin í ástarsambandi vekja mikla athygli

Monica Mares, 36 ára, og Caleb Peterson, 19 ára, eru mæðgin en einnig eiga þau í ástarsambandi. Málið hefur vakið mikla athygli í fjölmiðlum um allan heim en bæði búa þau í Nýju-Mexíkó.

Mares gaf Peterson til ættleiðingar þegar hann var nýfæddur en þau hittust í fyrsta skipti eftir það á síðasta ári.

Stuttu síðar urðu þau ástfangin og segir Monice Mares að hún sé tilbúin að fara í fangelsi til að standa vörð um samband þeirra. Þau gætu bæði fengið allt að 18 mánaða fangelsisdóm fyrir að vera í ástarsamband.  

Mares á alls níu börn en hún fæddi Peterson þegar hún var 16 ára gömul. Þau fundu hvort annað á Facebook á síðasta ári og búa þau í dag hvort í sínu lagi í bænum Clovis í Nýju-Mexíkó.