DiCaprio stökk á Jonah Hill sem fékk næstum því hjartaáfall - Myndband

Stórleikarinn Leonardo DiCaprio og Jonah Hill eru góðir vinir og léku þeir meðal annars saman í myndinni Wolf of Wall Street þar sem þeir fóru báðir á kostum.

DiCaprio er þekktur fyrir það að slá oft á létta strengi og hann stóð heldur betur undir nafni á dögunum en þar sá hann Hill standandi á miðri gangstétt í Hollywood og ákvað að hrekkja hann aðeins.

DiCaprio hljóp að honum með símann sinn, rak hann í andlitið á Hill og virðist öskra eitthvað á hann. Þetta náðist allt saman á myndband eins og sjá má hér að neðan.