Ester fékk eftirsóttasta bíl landsins

Þeir Reynir Örn Gunnarsson og Árni Rúnarsson afhentu eftirsóttasta bíl landsins í gær en það var hún Ester Vilhelmsdóttir sem vann Toyota Yaris í Facebook-leik Aðalbíla.

Þeir félagarnir stofnuðu fyrirtækið fyrir tveimur mánuðum og tóku þá ákvörðun að gefa Yaris. Um 18.000 manns like-uðu stöðufærsluna frá Aðalbílum og sló leikurinn rækilega í gegn á samfélagsmiðlinum hér á landi.

Vinningshafinn var kynntur til sögunnar í morgunþættinum Brennslan á FM957 og var hringt í Ester í beinni útsendingu fyrir einni viku síðan. Hún er búsett á Akureyri og mætti í höfuðborgina í gær til að fá Yaris-inn afhentan. Ester var virkilega ánægð með bílinn og á meðfylgjandi mynd má sjá vinningshafann og þá Reyni og Árna.

Brennslan hringdi í Ester