Vilja fanga sumarið á mynd

Ferðaþjónustan og landbúnaðurinn hafa tekið höndum saman og sett af stað leik sem sagður er fagna sumarilminum í sínum ólíku myndum. Auglýst er eftir myndum sem fanga sumarstemninguna og lýsa samspili ferðaþjónustu og landbúnaðar.

Myndirnar eru birtar á vefnum sumarilmur.is og í hverri viku verður sú mynd valin sem best þykir fanga anda sumarsins í sveitum landsins. „Sá sem á mynd vikunnar fær glæsileg verðlaun en á meðal vinninga eru gisting og afþreying innanlands og alls kyns upplifun tengd mat og öðru sumarlegu. Vinningshafar verða kynntir á Rás 2 og þeir fengnir til að segja frá sögunni á bakvið myndina,“ að því er fram kemur í tilkynningu.

Sumarilmur er samstarfsverkefni Samtaka ferðaþjónustunnar og samtaka bænda og fyrirtækja í landbúnaði 2016.

Fréttin birtist fyrst í Fréttablaðinu 4. júlí