Ástþór Magnússon mun snappa í dag

Forsetaframbjóðendurnir hafa á síðustu dögum séð um Snapchat-reikning kvöldfrétta Stöðvar 2. Þar hafa þeir leyft áhorfendum að skyggnast á bakvið tjöldin í baráttunni um Bessastaði og munu þeir halda uppteknum hætti út vikuna. Til að fylgjast með ævintýrum þeirra þarf einungis að bæta við reikningnum stod2frettir á Snapchat.

Sá sem fer með tögl og hagldir í dag er Ástþór Magnússon. Ástþór er nú þegar byrjaður að hlaða inn efni og stefnir í áhugaverðan og líflegan dag hjá frambjóðandanum. Þetta er í fjórða sinn sem hann býður sig fram og er hann því öllum hnútum kunnugur í baráttunni.

Sjá einnig: Fylgstu með degi í lífi forsetaframbjóðendanna á Snapchat

Fleiri forsetaframbjóðendur munu fylgja í kjölfar Ástþórs og geta áhugasamir fylgst með ævintýrum þeirra með því að bæta við Snapchat-reikningnum stod2frettir eins og fyrr segir.