Davíð rúntaði með rapp á fóninum

Það er fullt starf að vera í forsetaframboði og víða sem þarf að koma við vilji maður auka möguleika sína á kjöri.

Því fengu fylgjendur stod2frettir á Snapchat að kynnast í gær þegar forsetaframbjóðandinn Davíð Oddsson sá um reikninginn.

Hann veitti áhorfendum innsýn í hefðbundinn dag í baráttunni sem hófst með vinnustaðaheimsókn til Reiknistofu bankanna. Deginum lauk svo á opnum fundi í Grafarvogi.

Sjá einnig: Fylgstu með degi í lífi forsetaframbjóðendanna á Snapchat

Myndband af ævintýrum Davíðs má sjá í spilaranum hér að ofan. Fleiri forsetaframbjóðendur munu fylgja í kjölfar Davíðs og geta áhugasamir fylgst með ævintýrum þeirra með því að bæta við Snapchat-reikningnum stod2frettir eins og fyrr segir. Halla Tómasdóttir stýrir snappinu í dag.