Drengurinn í skóginum fannst heill á húfi

Japanskur drengur,Yamato Tanooka, sem týndist í Hokkaido skóginum síðasta laugardag er kominn í leitirnar heill á húfi. Málið hefur vakið mikla athygli en foreldrar hans sögðu í fyrstu að hann hefði vafrað burt frá þeim þar sem þau hafi verið í jurtatínslu.

Síðar kom á daginn að fjölskyldufaðirinn hafði ákveðið að refsa drengnum fyrir óþekkt með því að skilja hann eftir í skógarrjóðri. Þegar foreldrarnir komu aftur að sækja drenginn eftir skamma stund, var hann hinsvegar horfinn.

Hann fannst síðan í hermannabragga í nokkurra kílómetra fjarlægð frá skógarrjóðrinu seint í gærkvöldi. Hann sagðist vera svangur og að hann hafi gengið í gegnum skóginn, sem er heimili bjarndýra, uns hann fann skjól.