Hótel langt innan verndarlínu Svavar Hávarðsson skrifar 4. júní 2016 07:00 Gamla Hótel Reykjahlíð, og uppbygging nýs hótels, er aðeins 50 metra frá bökkum Mývatns. vísir/Vilhelm „Ég held að það sé alveg ljóst að þessi framkvæmd verður aldrei heimiluð nema fráveitumál hótelsins uppfylli þær kröfur sem um svæðið gilda, annaðhvort verður framkvæmdaaðili því að setja upp hreinsistöð eða hreinlega keyra skólp út af svæðinu,“ segir Aðalbjörg Birna Guttormsdóttir, teymisstjóri hjá Umhverfisstofnun (UMST), um áform Icelandair Hotels um að margfalda stærð Hótels Reykjahlíðar með tveimur viðbyggingum. Frárennslismál þéttbýlis í Mývatnssveit hafa mikið verið til umræðu síðustu vikurnar vegna óheillaþróunar í lífríki Mývatns. Viðmælendur Fréttablaðsins hafa í tengslum við fréttaflutning um Mývatn lýst furðu sinni og áhyggjum yfir því að til greina komi að reisa nýtt hótel aðeins 30 til 50 metra frá Mývatni. Stórum spurningum eigi eftir að svara er varða lífríki vatnsins og því skjóti það skökku við að byggja svo nærri vatninu. Þessar ábendingar hverfast allar um þá staðreynd að byggingin á að rísa langt innan þess 200 metra verndarsvæðis sem er markað hringinn í kringum vatnið og Laxá allt til ósa Skjálfandafljóts. Byggingarreiturinn sem um ræðir er Mývatnsmegin við þjóðveg 1 og um 30 metra frá vatnsbakkanum. Þar stendur fyrir Hótel Reykjahlíð sem var reist árið 1948. Þéttbýlið í Reykjahlíð er austan við þjóðveginn. Hótelið er nú um 600 fermetrar með níu herbergjum en verður tæplega 3.700 fermetrar með 43 herbergjum gangi þetta eftir – og að því næst verður komist.Jón Óskar Pétursson, sveitarstjóri Skútustaðahrepps, tekur það skýrt fram að það eina sem hafi verið ákveðið varðandi hótelbygginguna af hálfu sveitarfélagsins sé að heimila skipulagsvinnuna. „Það er almennt þannig að Umhverfisstofnun er leyfisveitandi innan verndarlínunnar. En það sem sveitarfélagið gerði, í því ljósi að fyrirtækið [Icelandair Hotels] á þessa lóð, var að samþykkja að hleypa þessu í skipulagsferli. Þannig koma fram athugasemdir og ólík sjónarmið. Við erum ekki að gefa leyfi til að gera eitt eða neitt, einungis að leyfa þeim að hefjast handa við skipulag. Síðan hafa menn sínar skoðanir á þessu og þær geta verið ýmsar,“ segir Jón Óskar. Aðalbjörg Birna segir til viðbótar við kröfur um fráveitumál hótelsins hvað varðar „útlit bygginga og áhrif þeirra á landslag og ásýnd, ásamt áhrifum framkvæmda og reksturs á lífríkið svo nálægt vatninu, þá er það eitthvað sem við munum meta þegar við fáum leyfisumsóknina inn til okkar. Þar munum við m.a. leita til sérfræðinga í lífríkismálum, svo sem Náttúrurannsóknastöðina við Mývatn (RAMÝ) og Náttúrufræðistofnun.“Á verndarsvæði sérlaga Hótel Reykjahlíð er staðsett langt innan verndarsvæðis Mývatns og Laxár en allar framkvæmdir innan þess eru háðar leyfi Umhverfisstofnunar. Verndarsvæðið er 200 metra breiður bakki meðfram Mývatni öllu og Laxá báðum megin til sjávar. Lífríki Mývatns er undir miklu álagi og breytinga hefur orðið vart í vatninu undanfarin ár og áratugi. Verndarsvæðið hefur verið á rauðum lista Umhverfisstofnunar yfir friðlýst svæði sem eiga á hættu að verndargildi skerðist.Fréttin birtist fyrst í Fréttablaðinu 4. júní. Birtist í Fréttablaðinu Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Ætlaði að ganga frá álverinu og upp á Keflavíkurflugvöll Innlent Boða verkfallsaðgerðir á Keflavíkurflugvelli í maí Innlent Fleiri fréttir Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sjá meira
„Ég held að það sé alveg ljóst að þessi framkvæmd verður aldrei heimiluð nema fráveitumál hótelsins uppfylli þær kröfur sem um svæðið gilda, annaðhvort verður framkvæmdaaðili því að setja upp hreinsistöð eða hreinlega keyra skólp út af svæðinu,“ segir Aðalbjörg Birna Guttormsdóttir, teymisstjóri hjá Umhverfisstofnun (UMST), um áform Icelandair Hotels um að margfalda stærð Hótels Reykjahlíðar með tveimur viðbyggingum. Frárennslismál þéttbýlis í Mývatnssveit hafa mikið verið til umræðu síðustu vikurnar vegna óheillaþróunar í lífríki Mývatns. Viðmælendur Fréttablaðsins hafa í tengslum við fréttaflutning um Mývatn lýst furðu sinni og áhyggjum yfir því að til greina komi að reisa nýtt hótel aðeins 30 til 50 metra frá Mývatni. Stórum spurningum eigi eftir að svara er varða lífríki vatnsins og því skjóti það skökku við að byggja svo nærri vatninu. Þessar ábendingar hverfast allar um þá staðreynd að byggingin á að rísa langt innan þess 200 metra verndarsvæðis sem er markað hringinn í kringum vatnið og Laxá allt til ósa Skjálfandafljóts. Byggingarreiturinn sem um ræðir er Mývatnsmegin við þjóðveg 1 og um 30 metra frá vatnsbakkanum. Þar stendur fyrir Hótel Reykjahlíð sem var reist árið 1948. Þéttbýlið í Reykjahlíð er austan við þjóðveginn. Hótelið er nú um 600 fermetrar með níu herbergjum en verður tæplega 3.700 fermetrar með 43 herbergjum gangi þetta eftir – og að því næst verður komist.Jón Óskar Pétursson, sveitarstjóri Skútustaðahrepps, tekur það skýrt fram að það eina sem hafi verið ákveðið varðandi hótelbygginguna af hálfu sveitarfélagsins sé að heimila skipulagsvinnuna. „Það er almennt þannig að Umhverfisstofnun er leyfisveitandi innan verndarlínunnar. En það sem sveitarfélagið gerði, í því ljósi að fyrirtækið [Icelandair Hotels] á þessa lóð, var að samþykkja að hleypa þessu í skipulagsferli. Þannig koma fram athugasemdir og ólík sjónarmið. Við erum ekki að gefa leyfi til að gera eitt eða neitt, einungis að leyfa þeim að hefjast handa við skipulag. Síðan hafa menn sínar skoðanir á þessu og þær geta verið ýmsar,“ segir Jón Óskar. Aðalbjörg Birna segir til viðbótar við kröfur um fráveitumál hótelsins hvað varðar „útlit bygginga og áhrif þeirra á landslag og ásýnd, ásamt áhrifum framkvæmda og reksturs á lífríkið svo nálægt vatninu, þá er það eitthvað sem við munum meta þegar við fáum leyfisumsóknina inn til okkar. Þar munum við m.a. leita til sérfræðinga í lífríkismálum, svo sem Náttúrurannsóknastöðina við Mývatn (RAMÝ) og Náttúrufræðistofnun.“Á verndarsvæði sérlaga Hótel Reykjahlíð er staðsett langt innan verndarsvæðis Mývatns og Laxár en allar framkvæmdir innan þess eru háðar leyfi Umhverfisstofnunar. Verndarsvæðið er 200 metra breiður bakki meðfram Mývatni öllu og Laxá báðum megin til sjávar. Lífríki Mývatns er undir miklu álagi og breytinga hefur orðið vart í vatninu undanfarin ár og áratugi. Verndarsvæðið hefur verið á rauðum lista Umhverfisstofnunar yfir friðlýst svæði sem eiga á hættu að verndargildi skerðist.Fréttin birtist fyrst í Fréttablaðinu 4. júní.
Birtist í Fréttablaðinu Mest lesið Segir upp hjá RÚV og snýr sér að pólitík Innlent Viktor og Kári heltast úr lestinni Innlent Dramatík þegar tveimur var tilkynnt um ólögleg framboð Innlent Halla Hrund fremst í nýrri könnun og Katrín dottin niður í þriðja sæti Innlent Ástand hinnar látnu bar þess merki að henni hefði verið ráðinn bani Innlent Helmingurinn af búslóðinni í ruslið Innlent Guðrún á Glitstöðum segir vaðið yfir vilja almennings Innlent Forsetavaktin 2024: Hver verður sjöundi forseti lýðveldisins? Innlent Ætlaði að ganga frá álverinu og upp á Keflavíkurflugvöll Innlent Boða verkfallsaðgerðir á Keflavíkurflugvelli í maí Innlent Fleiri fréttir Hættur við að styðja Höllu Hrund Meðferðarstöðinni Vík lokað í sumar Boða verkfallsaðgerðir á Keflavíkurflugvelli í maí Kjörinn heiðursmeðlimur í bandarísku lista- og vísindaakademíuna Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sjá meira