Liam Gallagher tók lagið með aðdáendum á bar á Möltu – Myndband

Liam Gallagher og Noel Gallagher stofnuðu sveitina Oasis árið 1991 og var hljómsveitin starfandi til ársins 2009. Oasis var ein allra vinsælasta hljómsveit heimsins á sínum tíma en Liam var staddur á bar í Valletta, höfuðborg Möltu, á dögunum.

Þar var maður að nafni Peter Borg, sem er í hljómsveitinni Red Electrick, og fékk hann Liam til að taka lögin Wonderwall og Don’t Look Back In Anger með sér.

Allir gestir barsins tóku vel undir og var greinilega mikil stemning á svæðinu. Hér að neðan má sjá myndband af atvikinu.