Jón Steinar selur húsið á 100 milljónir

Jón Steinar Gunnlaugsson, fyrrverandi Hæstaréttardómari, hefur sett hús sitt að Stigahlíð 63 í Reykjavík á sölu. Um er að ræða níu herbergja einbýlishús á tveimur hæðum, með aukaíbúð og innbyggðum bílskúr. Ásett verð er 105 milljónir króna.

Á fasteignavef Vísis segir að húsið sé 328,2 fermetrar. Efri hæðin sé sex til sjö herbergja og á pöllum og aukaíbúðin tveggja herbergja í kjallara. Þá sé rúmgott gluggalaust geymslurými inn af bílskúr, en að það sé ekki inni í uppgefinni fermetratölu. „Húsi og garði hefur verið vel við haldið,“ segir í lýsingunni.

Sólpallurinn snýr í suður í fallegum og gróðursælum garði. Hellulagt er framan við bílskúr og hiti er í bílaplani.

Myndir af einbýlinu má sjá hér fyrir neðan, en fleiri myndir eru að finna á fasteignavef Vísis.