Óska aðstoðar fyrir þungaðan fyrrum fanga

Afstaða, félag fanga og annarra áhugamanna um fangavist og betrun, óskar eftir aðstoð almennings handa erlendri konu sem nýverið fékk reynslulausn eftir 6 mánaða fangelsisvist. Í færslu félagsins segir að til hafi staðið að vísa konunni úr landi en að hún sé þunguð og megi því ekki fljúga.

„Hún er því föst á Íslandi og mun að öllum líkindum fæða barnið sitt á Íslandi eftir 1 ½ mánuð sirka,“ segir í færslunni og bætt við að Reykjavíkurborg hafi útvegað konunni gistipláss. Engin eldunaraðstaða sé þó í húsinu og vanti hana hrísgrjónasuðupott - „og kannski gamalt sjónvarpstæki,“ eins og það er orðað.

„Afstaða getur takmarkað aðstoðað konuna meira en gert hefur verið en við auglýsum hér með eftir góðviljuðum einstaklingum, sem geta aðstoðað hana með þessa hluti og einnig kannski til að líta eftir henni og keyra í læknisviðtöl eða bara til að tala við hana af og til. Konan er ein og þekkir engan hér á landi,“ segir í færslu Afstöðu og áhugasömum bent á netfangið formadur@afstada.is. 

Færsluna í heild sinni má sjá hér að neðan.

Í vikunni var erlendri konu veitt reynslusn eftir að hafa verið í fangelsi í 6 mánuði. Til stendur að vísa henni úr...

Posted by Afstaða - Til ábyrgðar on Saturday, 2 April 2016