Kvöldfréttir Stöðvar 2 í beinni útsendingu

Í fréttum Stöðvar 2 fjöllum við um átök á aðalfundi HB Granda en upp úr sauð á aðalfundi félagsins í gær þegar Lífeyrissjóður verzlunarmanna reyndi að koma sínum fulltrúum að í stjórn og fresta þurfti aðalfundi.

Í fréttatímanum fjöllum við einnig um olíuleit kanadísks fyrirtækis á Drekasvæðinu. Þá verður fjallað um straumhvörf í rafbílavæðingu vegna nýs bíls frá Tesla og mikla framleiðni fanga á Litla Hrauni en í mars framleiddu fangarnir þar sex þúsund sex hundruð bílnúmeraplötur sem er helmingi meira en á sama tíma í fyrra.

Fréttir Stöðvar 2 í beinni útsendingu á samtengdum rásum Stöðvar 2 og Bylgjunnar klukkan hálf sjö, sem og hér á Vísi.