Lögreglan leitar vitna vegna líkamsárásar

Lögreglan á Selfossi leitar vitna vegna líkamsárásar fyrir utan skemmtistaðinn Hvíta húsið á Selfossi aðfaranótt mánudags en skömmu eftir klukkan þrjú um nóttina barst lögreglunni tilkynning um yfirstandandi slagsmál fyrir utan staðinn.

Í tilkynningu frá lögreglunni segir að þegar lögregla og sjúkralið komu á staðinn hafi sá sem fyrir árásinni varð legið meðvitundarlaus á gangstétt. Aðdragandi árásarinnar er ekki að fullu ljós en vísbendingar voru um að tveir menn hefðu ráðist á manninn, komið honum í jörðina og síðan sparkað í höfuð hans.

Lögreglan biður alla þá sem vitni urðu að aðdraganda árásarinnar eða árásinni sjálfri, eða jafnvel hafa tekið atvikið upp á myndsíma, að gefa sig fram við lögreglu í síma 444-2010 eða í tölvupósti sudurland@logreglan.is.

Maðurinn sem fyrir árásinni varð var fluttur á heilsugæslustöðina á Selfossi þar sem sár á höfði hans var saumað. Hann komst til meðvitundar og ekki kom til innlagnar. Meintir árásarmenn voru handteknir og færðir í fangageymslu. Eftir yfirheyrslur voru þeir látnir laus og hafa nokkur vitni verið yfirheyrð. Árásin er í rannsókn.

Líkamsárás við Hvítahúsið á Selfossi, lögreglan leitar vitna. Skömmu eftir klukkan þrjú aðfaranótt mánudags barst lö...

Posted by Lögreglan á Suðurlandi on Wednesday, 30 March 2016