Sjáðu markið sem heimurinn er að tala um

Barcelona er að gera grín að andstæðingum sínum þessa dagana og grínið náði hámarki í kvöld.

Þá valtaði Barcelona yfir Celta Vigo, 6-1, og vítaspyrnumark seint í leiknum er umtalað um allan heim núna.

Í stað þess að skjóta á markið þá ákvað Lionel Messi að renna boltanum til hliðar þar sem Luis Suarez kom og skaut boltanum í markið. Geggjuð tilþrif.

Þetta er endurtekning á víti sem Ajax tók árið 1982. Þá lagði Johan Cruyff boltann á Danann Jesper Olsen. Þá gaf Olsen boltann reyndar til baka á Cruyff sem skoraði.

Markið ótrúlega má sjá hér að ofan.