Hafa borið kennsl á fjóra af fimm árásarmönnum í Jakarta

Lögregluyfirvöld í Indónesíu hafa borið kennsl á fjóra menn sem gerðu hryðjuverkaárás í höfuðborg landsins, Jakarta, í gær. Hryðjuverkasamtökin ISIS hafa lýst ábyrgð á árásinni.

Alls voru árásarmennirnir fimm en tveir þeirra höfðu hlotið fangelsisdóm. Tveir árásarmannanna létust þar sem þeir sprengdu sjálfa sig í loft upp en hinir þrír dóu í skotbardaga við lögreglu. Þá létust tveir óbreyttir borgarar í árásinni, Indónesi og Kanadamaður.

Lögreglan hefur nafngreint einn mannanna en hann hafði setið í fangelsi í sjö ár fyrir að fara í þjálfunarbúðir fyrir öfgamenn.

Að minnsta kosti 20 manns særðust í árásinni. Sex sprengjur voru sprengdar í helst viðskiptahverfi borgarinnar auk þess sem mennirnir notuðu skotvopn. Lögreglan í Indónesíu segir greinilegt að mennirnir hafi ætlað að líkja eftir árásunum í París í nóvember síðastliðnum.