Frábært veður og einstök stemning í Herjólfsdal

Fólk naut veðurblíðunnar þegar setning Þjóðhátíðar í Vestmannaeyjum fór fram um miðjan dag í gær.

Þjóðhátíðarlagið 2016, Ástin á sér stað, var frumflutt á stóra sviðinu og síðar um kvöldið sameinuðust tónlistarmenn og þjóðhátíðargestir í táknrænni athöfn til að fordæma hvers kyns ofbeldi og nauðgunum.

Athöfnin fór þannig fram að allir klöppuðu höndunum saman í takt líkt og stuðningsmenn íslenska landsliðsins í knattspyrnu gerðu á EM í Frakklandi.

Óskar Pétur Friðriksson ljósmyndari var á staðnum og fangaði stemninguna í Dalnum.