Átta skotnir á skemmistað í Flórída

Talið er að minnsta kosti átta einstaklingar hafi særst í skothríð á skemmtistað í borginni Tampa í Flórída-ríki í nótt.

Lögreglan í Tampa sagði í samtali við þarlenda fjölmiðla að málið væri enn til rannsóknar líkt og AP-fréttastofan greinir frá.

Eitt fórnarlambanna er talið hafa verið látið þegar lögreglumenn komu á vettvang um klukkan 2 í nótt á staðartíma. Vitað er um að minnsta kosti 6 sem fluttir voru á sjúkrahús. Þá á einn gestur staðarins að hafa ekið sjálfur á nærliggjandi heilsugæslustöð.

Talið er að skotárásina megi rekja til ágreinings tveggja gesta staðarins en nánari útlistun á atburðarásinni liggur ekki fyrir.

Fréttin verður uppfærð