Beit Costa Barry? | Sjáðu rauða spjaldið

Diego Costa, leikmaður Chelsea, fór mikinn í leik liðins gegn Everton í ensku bikarkeppninni í dag en liðið tapaði illa, 2-0, á útivelli og er úr leik.

Costa fékk strax gult spjald eftir um tíu mínútna leik og var nokkuð augljóst að hann var nokkuð pirraður í leiknum.

Fimm mínútum fyrir leikslok lenti hann í rimmu við Gareth Barry hjá Everton. Hann missti gjörsamlega stjórn á skapi sínu og virðist hann ætla að bíta Barry í hálsinn. Erfitt er að sjá hvort hann hafi í raun bitið hann en hér að neðan má sjá myndband af atvikinu.