Eiður Smári nefndi dóttur sína í höfuðið á mömmu: „Ég er auðvitað bara í skýjunum“

„Það er búið að nefna hana Ólöfu Talíu,“ segir Ólöf Einarsdóttir, móðir Eiðs Smára Guðjohnsen, en hann og Ragnhildur Sveinsdóttir eignuðust sitt fjórða barn 1. apríl síðastliðinn. Þá kom stúlka í heiminn en fyrir eiga þau þrjá drengi.

Amman var að vonum stolt af litlu stúlkunni og nöfnu sinni. Ólöf var gestur í þættinum Bítið á Bylgjunni í morgun.

„Ég er auðvitað bara í skýjunum, þetta er bara yndislegt allt saman. Þetta eru alveg ótrúlega fallegir drengir og falleg stúlku,“ segir hún um barnabörnin.

„Þau standa sig vel í öllu sem þau taka sér fyrir hendur. Þau eru öll með báðar fætur á jörðinni og hafa fengið þannig uppeldi.“

Eiður Smári og Ragnhildur Sveinsdóttir eiga fyrir synina Sveinn Aron, Andra Lucas og Daníel Tristan. Sveinn Aron er fastamaður í 17 ára landsliði Íslands og Andri Lucas var í sigurliði HK á N1 mótinu á Akureyri síðasta sumar.

Hér að ofan má hlusta á viðtalið við Ólöfu.