Kim Kardashian tók "selfie" með Hillary Clinton

Kim Kardashian mætti ásamt Kanye West, eiginmanni sínum, á söfnunarkvöld fyrir forsetaframboð Hillary Clinton í Los Angeles.

Kim var í góðu stuði og á leiðinni á samkomuna deildi hún sjálfu úr bílnum þar sem hún sagði markmið kvöldsins vera að taka eina slíka með forsetaframbjóðandanum sjálfum.

Það var ekki langt liðið á kvöldið þegar mynd birtist á samfélagsmiðlum af Kim, Hillary og Kanye. Kim var skiljanlega í skýjunum með myndina enda telur hún Hillary verða næsta forseta Bandaríkjanna.