Á enn þá til á kassettu lagið sem breytti öllu á sex mínútum Magnús Guðmundsson skrifar 14. febrúar 2015 15:00 Lagið How High the Moon með þessari mögnuðu söngkonu varð til þess að djassinn varð fyrir valinu hjá Kristjönu Stefánsdóttur. Fréttablaðið/GVA „Þetta er gamall draumur að rætast,“ segir Kristjana Stefánsdóttir djasssöngkona sem býr sig undir að syngja lög Ellu Fitzgerald með Stórsveit Reykjavíkur. Kristjana hefur á undanförnum árum verið í fremstu röð íslenskra djasssöngkvenna og á þrátt fyrir ungan aldur að baki glæstan feril. Kristjana er fædd og uppalin á Selfossi og tónlistin hefur alltaf átt hug hennar allan þótt hún hafi ekki alltaf ætlað að leggja djassinn fyrir sig. „Það þurfti nú ekki nema einn útvarpsþátt til þess að breyta lífinu. Ég var svona meira á leiðinni út í klassískt nám, rúmlega tvítug og farin að spá í framhaldsnám á Ítalíu eða kannski í Þýskalandi þegar þetta breyttist allt með einu lagi. Ég lá í sófanum heima hjá ömmu og afa þegar amma kom og sagði við mig: „Kristjana mín, það er einhver djass í útvarpinu,“ og var eflaust með það á hreinu að þetta væri eitthvað fyrir mig. Ég fór að hlusta, það var þáttur um Ellu Fitzgerald og þar var spiluð upptaka með henni á How High the Moon frá tónleikum í Berlín árið 1960. Og þarna var lagið sem breytti öllu þar sem Ella syngur sex mínútna skat-sóló. Ég hlustaði dolfallin á þáttinn til enda og í lokin tók þulurinn fram að þátturinn yrði endurtekinn um kvöldið. Svo ég stökk út í bílinn hans afa, brunaði í búð, keypti kassettu og tók svo þáttinn upp um kvöldið. Ég á þessa kassettu meira að segja enn þá. En þetta varð til þess að ég ákvað að fara í djassinn og áður en ég vissi af þá var ég farin í nám til Hollands.“ Næstkomandi mánudagskvöld ætlar Kristjana að syngja plötuna Ella & Basie frá 1963 í útsetningum Quincy Jones með Stórsveit Reykjavíkur undir stjórn Svíans Daniels Nolgård, píanóleikara og útsetjara. „Stórsveitin er í rosalegu formi þessa dagana og Daniel er algjör snillingur. Þessar útsetningar eru ekki lengur til svo Daniel tók sig til og skrifaði þetta upp eftir upptökunni á plötunni. Þetta eru þrettán þekktir standardar og á einni af þekktustu plötum djassins svo þetta verður alveg hrikalega gaman. Auk djassins hefur Kristjana á síðustu árum einnig starfað í leikhúsi en sýningarnar Jesú litli og Hamlet litli þar sem Kristjana sá um tónlistina og lék einnig í sýningunum nutu báðar gríðarlegra vinsælda og hlutu báðar sýningarnar Grímuverðlaunin sem sýning ársins. Leikhúsið skipar sífellt stærri sess í störfum Kristjönu en hún á reyndar leiklistaráhugann ekki langt að sækja. „Amma var ein af stofnendum Leikfélags Selfoss og leikhúsið hefur alltaf togað smá í mig. Ég er hreinlega alin upp í litla leikhúsinu á Selfossi og þar tók ég þátt í ýmsum verkefnum en alltaf út frá tónlistinni. Ég var alltaf staðráðin í að verða tónlistarmaður en leikhúsið hefur alltaf heillað mig líka. Það eru algjör forréttindi að geta blandað þessu saman enda má eiginlega segja að ég sé með áunna leikhúsbakteríu. Við Bergur Þór erum að fara að vinna nýja trúðasýningu fyrir Borgarleikhúsið. Það verður trúðaópera þannig að tónlistin verður í miklu stærra hlutverki en áður svo ég hlakka alveg rosalega mikið til. Tónlistin verður eflaust alltaf númer eitt hjá mér og ég stefni að því að senda frá mér sólóplötu seinna á árinu. Ég sendi frá mér eitt lag síðasta sumar og þetta er nú meira popp en djass enda við Selfyssingar sérfræðingar í sumarsmellum.“ Mest lesið Býr beint fyrir neðan barnsmóður sína Lífið Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist Klæddist brúðarkjólnum daglega í stúdentsprófunum Tíska og hönnun Saga og Steindi í nýrri gamanþáttaröð Bíó og sjónvarp Sex bestu veitingastaðirnir í Skandinavíu Lífið Kaupa glæsihús frænku Patriks Lífið Ástarleikir á fjölbreyttum stöðum Lífið Berbrjósta og bleikhærðar með byltingu Lífið Fleiri fréttir Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Sjá meira
„Þetta er gamall draumur að rætast,“ segir Kristjana Stefánsdóttir djasssöngkona sem býr sig undir að syngja lög Ellu Fitzgerald með Stórsveit Reykjavíkur. Kristjana hefur á undanförnum árum verið í fremstu röð íslenskra djasssöngkvenna og á þrátt fyrir ungan aldur að baki glæstan feril. Kristjana er fædd og uppalin á Selfossi og tónlistin hefur alltaf átt hug hennar allan þótt hún hafi ekki alltaf ætlað að leggja djassinn fyrir sig. „Það þurfti nú ekki nema einn útvarpsþátt til þess að breyta lífinu. Ég var svona meira á leiðinni út í klassískt nám, rúmlega tvítug og farin að spá í framhaldsnám á Ítalíu eða kannski í Þýskalandi þegar þetta breyttist allt með einu lagi. Ég lá í sófanum heima hjá ömmu og afa þegar amma kom og sagði við mig: „Kristjana mín, það er einhver djass í útvarpinu,“ og var eflaust með það á hreinu að þetta væri eitthvað fyrir mig. Ég fór að hlusta, það var þáttur um Ellu Fitzgerald og þar var spiluð upptaka með henni á How High the Moon frá tónleikum í Berlín árið 1960. Og þarna var lagið sem breytti öllu þar sem Ella syngur sex mínútna skat-sóló. Ég hlustaði dolfallin á þáttinn til enda og í lokin tók þulurinn fram að þátturinn yrði endurtekinn um kvöldið. Svo ég stökk út í bílinn hans afa, brunaði í búð, keypti kassettu og tók svo þáttinn upp um kvöldið. Ég á þessa kassettu meira að segja enn þá. En þetta varð til þess að ég ákvað að fara í djassinn og áður en ég vissi af þá var ég farin í nám til Hollands.“ Næstkomandi mánudagskvöld ætlar Kristjana að syngja plötuna Ella & Basie frá 1963 í útsetningum Quincy Jones með Stórsveit Reykjavíkur undir stjórn Svíans Daniels Nolgård, píanóleikara og útsetjara. „Stórsveitin er í rosalegu formi þessa dagana og Daniel er algjör snillingur. Þessar útsetningar eru ekki lengur til svo Daniel tók sig til og skrifaði þetta upp eftir upptökunni á plötunni. Þetta eru þrettán þekktir standardar og á einni af þekktustu plötum djassins svo þetta verður alveg hrikalega gaman. Auk djassins hefur Kristjana á síðustu árum einnig starfað í leikhúsi en sýningarnar Jesú litli og Hamlet litli þar sem Kristjana sá um tónlistina og lék einnig í sýningunum nutu báðar gríðarlegra vinsælda og hlutu báðar sýningarnar Grímuverðlaunin sem sýning ársins. Leikhúsið skipar sífellt stærri sess í störfum Kristjönu en hún á reyndar leiklistaráhugann ekki langt að sækja. „Amma var ein af stofnendum Leikfélags Selfoss og leikhúsið hefur alltaf togað smá í mig. Ég er hreinlega alin upp í litla leikhúsinu á Selfossi og þar tók ég þátt í ýmsum verkefnum en alltaf út frá tónlistinni. Ég var alltaf staðráðin í að verða tónlistarmaður en leikhúsið hefur alltaf heillað mig líka. Það eru algjör forréttindi að geta blandað þessu saman enda má eiginlega segja að ég sé með áunna leikhúsbakteríu. Við Bergur Þór erum að fara að vinna nýja trúðasýningu fyrir Borgarleikhúsið. Það verður trúðaópera þannig að tónlistin verður í miklu stærra hlutverki en áður svo ég hlakka alveg rosalega mikið til. Tónlistin verður eflaust alltaf númer eitt hjá mér og ég stefni að því að senda frá mér sólóplötu seinna á árinu. Ég sendi frá mér eitt lag síðasta sumar og þetta er nú meira popp en djass enda við Selfyssingar sérfræðingar í sumarsmellum.“
Mest lesið Býr beint fyrir neðan barnsmóður sína Lífið Fjölgar í fjölskyldu Maríu Birtu og Ella Lífið Eru smáhrifavaldar að taka yfir markaðinn? Lífið Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist Klæddist brúðarkjólnum daglega í stúdentsprófunum Tíska og hönnun Saga og Steindi í nýrri gamanþáttaröð Bíó og sjónvarp Sex bestu veitingastaðirnir í Skandinavíu Lífið Kaupa glæsihús frænku Patriks Lífið Ástarleikir á fjölbreyttum stöðum Lífið Berbrjósta og bleikhærðar með byltingu Lífið Fleiri fréttir Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Tónlist