Charlie Sheen sagður smitaður af HIV

Bandaríski leikarinn Charlie Sheen mun greina frá því í sjónvarpsviðtali í fyrramálið að hann sé HIV-smitaður. Frá þessu greina fjölmargir miðlar vestanhafs nú í kvöld.

Sheen er þekktur fyrir leik sinn í sjónvarpsþáttunum Two and a half men og kvikmyndum á borð við Wall Street og Platoon en einnig fyrir langa baráttu við fíkniefni. Hann hefur jafnframt greint frá því í viðtölum að hann hafi sofið hjá vændiskonum á árum áður.

Í samtali við fréttavef People segir þekktur fjölmiðlafulltrúi í Hollywood að aðstandendur Sheen hafi haft samband fyrir sex mánuðum til að fá hjálp við að greina frá vandanum. Leikarinn hafi þegar hafið meðferð við vandanum.