Réðst á aðstoðarmanneskju tannlæknis með hníf undir áhrifum kókaíns

Leikarinn og ólíkindatólið Charlie Sheen fékk æðiskast er hann heimsótti tannlækninn sinn í Los Angeles fyrir stutt.

Samkvæmt heimildum vefsíðunnar Perez Hilton vildi Charlie láta kíkja á ígerð í gómi sínum en brjálaðist þegar aðstoðarmanneskja tannlæknisins reyndi að setja grímu yfir andlit hans og gefa honum hláturgas.

Lögreglan var kölluð á staðinn og sagði aðstoðarmanneskjan í skýrslutöku að Charlie hefði ráðist að henni með hníf en að lífvörðurinn hans hafi skorist í leikinn og sagt að Charlie væri undir áhrifum kókaíns.

Ekki er ljóst hvort tannlæknastofan muni kæra Charlie fyrir árásina.