Klopp drakk í sig söguna á Anfield | Myndir

Jürgen Klopp var kynntur í dag sem nýr knattspyrnustjóri enska úrvalsdeildarliðsins Liverpool en hann tók á móti blaðamönnum og ljósmyndurum á Anfield í dag.

Liverpool hefur ekki unnið enska meistaratitilinn í 25 ár og er sem stendur aðeins í tíunda sæti ensku úrvalsdeildarinnar.

Koma Jürgen Klopp hefur vakið upp vonir og væntingar hjá stuðningsmönnum Liverpool sem voru flestir búnir að gefast upp á forvera hans Brendan Rodgers.

Þegar Brendan Rodgers var rekinn á sunnudaginn var kom nafn Klopp strax upp á yfirborðið og þessi fyrrum sigursæli þjálfari Borussia Dortmund er nú mættur í enska boltann.

Jürgen Klopp heillaði alla upp úr skónum og ljósmyndarar allra helstu fréttastofa heimsins notuðu hvert tækifæri til að smella af honum mynd þegar hann skoðaði Anfield í dag.

Hér fyrir neðan má sjá myndir af Jürgen Klopp á Anfield í dag.