Skólpvatn sitrar í Þingvallavatn Hilmar J. Malmquist skrifar 31. júlí 2015 07:00 Þjóðgarðsvörðurinn Ólafur Örn Haraldsson brást illa við grein sem ég ritaði í Fréttablaðið um fráveitumál í þjóðgarðinum á Þingvöllum og á vatnasviði Þingvallavatns og sendir mér tóninn í blaðinu í gær og sakar mig um þvætting, þekkingarleysi og aulafyndni. Viðbrögð Ólafs vekja mikil vonbrigði en til þessa hef ég átt gott samstarf við hann og ráðlagt honum og Þingvallanefnd heilt um málefni þjóðgarðsins. Þar byggi ég m.a. á áratugareynslu af rannsóknum í Þingvallavatni, sem enn standa yfir. Í grein minni, sem ber heitið Þingvallavatn – viðkvæmur viðtaki, staðhæfi ég að skólpvatn sitri út í umhverfið úr langflestum þróm í þjóðgarðinum og á vatnasviði Þingvallavatns. Þetta fer fyrir brjóstið á Ólafi Erni sem ber á mig varðandi þjóðgarðinn að ég hafi ...„ekkert fyrir mér og engar upplýsingar til að styðja sitt mál.“ Þá segir Ólafur Örn að ég byggi grein mína á upplýsingum sem séu ..„margra ára gamlar og ekkert til í þeim.“ Vegna þessara ómaklegu ummæla Ólafs Arnars skal tekið fram að fyrir aðeins rúmri viku fór ég á Þingvöll ásamt tveimur fræðimönnum sem þekkja vel til náttúru svæðisins gagngert til að spá í fráveitumál í þjóðgarðinum. Þar var m.a. rætt við tvo starfsmenn Ólafs Arnars um fráveitumál á Hakinu, við þjónustumiðstöðina á Leirum og fleiri stöðum. Þær upplýsingar sem starfsmennirnir veittu um ástand mála staðfesta mitt mál og stangast á við ávirðingar Ólafs Arnars, enda er haft eftir öðrum starfsmanninum í Fréttablaðinu að ...„kerfið sem sjái um skólpið í þjóðgarðinum nái því miður ekki að afkasta því sem í það fer.“ Samkvæmt þeim gögnum sem ég hef undir höndum um fyrirkomulag við rotþrær, siturlagnir og tæmingu þróa í þjóðgarðinum er vart við öðru að búast en að skólpvatn sitri út í umhverfið, enda eru langflest kerfin á staðnum sett upp með þetta í huga. Þetta er einkum viðbúið á álagstímum, t.d. á góðum sumardegi þegar fimm til tíu þúsund manns heimsækja þjóðgarðinn. Nákvæmar mælingar á fjölda gesta og úrgangslosun þeirra liggja því miður ekki fyrir, aðeins gróft mat, sem er alvarlegt, ekki aðeins í ljósi stöðunnar í dag heldur einnig m.t.t. spár um áframhaldandi aukningu ferðamanna í þjóðagarðinum á allra næstu árum. Varðandi þá skoðun Ólafs að óviðeigandi sé að hvetja þjóðgarðsgesti til að létta á sér áður en þeir koma á Þingvöll skal ferðafrömuðurinn minntur á þá gullnu reglu góðra ferðalanga að þeir fara á snyrtinguna áður en þeir leggja af stað í ferðalag. Þegar um er að ræða eina helstu náttúruperlu landsins, þjóðgarðinn á Þingvöllum og Þingvallavatn, er þetta sérstaklega mikilvægt. Slíkt er líka mun ódýrara en að aka öllu skólpi um langan veg. Þingvallavatn er mjög viðkvæmur viðtaki fyrir nitri, en hann er að finna í miklum mæli í skólpvatni sem, vel að merkja, er annað en seyra sem ku vera tæmd úr þróm á vatnasviði Þingvallavatns. Á meðan fráveitukerfi í þjóðgarðinum eru ekki afkastameiri en gögn benda til og í ljósi sívaxandi ferðamannastraums er eðlilegt að gestir þjóðgarðsins séu vel meðvitaðir um viðkvæmni svæðisins og hlífi því eftir bestu getu. Viltu birta grein á Vísi? Sendu okkur póst. Senda grein Tengdar fréttir Rangt að skólpvatn leki í Þingvallavatn Þjóðgarðsvörður á Þingvöllum segir skrif forstöðumanns Náttúruminjastofnunar Íslands, þar sem hann segir frárennslismál í þjóðgarðinum í ólagi, þvætting. Ekkert skólpvatn leki út í Þingvallavatn, allt frárennsli sé keyrt í burtu úr garðinum. 30. júlí 2015 08:00 Gestir Þingvalla kasti af sér vatni fyrir komu Forstöðumaður Náttúruminjasafns Íslands varar við álagi á Þingvelli vegna aukins ferðamannafjölda þar sem fráveita skólps er ekki viðundandi. Hann leggur til að gestir verði beðnir um að létta á sér fyrir komu í þjóðgarðinn. 29. júlí 2015 07:00 Mest lesið Ókostir forsetaframbjóðandans Katrínar Jakobsdóttur Alfreð Sturla Böðvarsson Skoðun Manstu ekki eftir mér Sævar Helgi Lárusson Skoðun Nú vandast valið Ebba Margrét Magnúsdóttir Skoðun Hvað er eiginlega að gerast? Inga Minelgaite Skoðun The man who would be king Ian McDonald Skoðun Jarðakaup í nýjum tilgangi Halla Hrund Logadóttir Skoðun Borgar þú 65 prósent skatt af þínum tekjum? Guðfinnur Sigurvinsson Skoðun Eru orkumálin að fara úr böndunum? Jónas Guðmundsson Skoðun Af auðvaldsmönnum og undirlægjuhætti Ester Hilmarsdóttir Skoðun Forsetaframboð í Fellini stíl Stefán Ólafsson Skoðun Skoðun Skoðun Hvað er eiginlega að gerast? Inga Minelgaite skrifar Skoðun Manstu ekki eftir mér Sævar Helgi Lárusson skrifar Skoðun Nú vandast valið Ebba Margrét Magnúsdóttir skrifar Skoðun The man who would be king Ian McDonald skrifar Skoðun Umhverfisávinningur þess að þrifta Hólmfríður Jennýjar Árnadóttir skrifar Skoðun Ókostir forsetaframbjóðandans Katrínar Jakobsdóttur Alfreð Sturla Böðvarsson skrifar Skoðun Eru orkumálin að fara úr böndunum? Jónas Guðmundsson skrifar Skoðun Skipulagsmál og uppbygging í Árborg Bragi Bjarnason skrifar Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Sjá meira
Þjóðgarðsvörðurinn Ólafur Örn Haraldsson brást illa við grein sem ég ritaði í Fréttablaðið um fráveitumál í þjóðgarðinum á Þingvöllum og á vatnasviði Þingvallavatns og sendir mér tóninn í blaðinu í gær og sakar mig um þvætting, þekkingarleysi og aulafyndni. Viðbrögð Ólafs vekja mikil vonbrigði en til þessa hef ég átt gott samstarf við hann og ráðlagt honum og Þingvallanefnd heilt um málefni þjóðgarðsins. Þar byggi ég m.a. á áratugareynslu af rannsóknum í Þingvallavatni, sem enn standa yfir. Í grein minni, sem ber heitið Þingvallavatn – viðkvæmur viðtaki, staðhæfi ég að skólpvatn sitri út í umhverfið úr langflestum þróm í þjóðgarðinum og á vatnasviði Þingvallavatns. Þetta fer fyrir brjóstið á Ólafi Erni sem ber á mig varðandi þjóðgarðinn að ég hafi ...„ekkert fyrir mér og engar upplýsingar til að styðja sitt mál.“ Þá segir Ólafur Örn að ég byggi grein mína á upplýsingum sem séu ..„margra ára gamlar og ekkert til í þeim.“ Vegna þessara ómaklegu ummæla Ólafs Arnars skal tekið fram að fyrir aðeins rúmri viku fór ég á Þingvöll ásamt tveimur fræðimönnum sem þekkja vel til náttúru svæðisins gagngert til að spá í fráveitumál í þjóðgarðinum. Þar var m.a. rætt við tvo starfsmenn Ólafs Arnars um fráveitumál á Hakinu, við þjónustumiðstöðina á Leirum og fleiri stöðum. Þær upplýsingar sem starfsmennirnir veittu um ástand mála staðfesta mitt mál og stangast á við ávirðingar Ólafs Arnars, enda er haft eftir öðrum starfsmanninum í Fréttablaðinu að ...„kerfið sem sjái um skólpið í þjóðgarðinum nái því miður ekki að afkasta því sem í það fer.“ Samkvæmt þeim gögnum sem ég hef undir höndum um fyrirkomulag við rotþrær, siturlagnir og tæmingu þróa í þjóðgarðinum er vart við öðru að búast en að skólpvatn sitri út í umhverfið, enda eru langflest kerfin á staðnum sett upp með þetta í huga. Þetta er einkum viðbúið á álagstímum, t.d. á góðum sumardegi þegar fimm til tíu þúsund manns heimsækja þjóðgarðinn. Nákvæmar mælingar á fjölda gesta og úrgangslosun þeirra liggja því miður ekki fyrir, aðeins gróft mat, sem er alvarlegt, ekki aðeins í ljósi stöðunnar í dag heldur einnig m.t.t. spár um áframhaldandi aukningu ferðamanna í þjóðagarðinum á allra næstu árum. Varðandi þá skoðun Ólafs að óviðeigandi sé að hvetja þjóðgarðsgesti til að létta á sér áður en þeir koma á Þingvöll skal ferðafrömuðurinn minntur á þá gullnu reglu góðra ferðalanga að þeir fara á snyrtinguna áður en þeir leggja af stað í ferðalag. Þegar um er að ræða eina helstu náttúruperlu landsins, þjóðgarðinn á Þingvöllum og Þingvallavatn, er þetta sérstaklega mikilvægt. Slíkt er líka mun ódýrara en að aka öllu skólpi um langan veg. Þingvallavatn er mjög viðkvæmur viðtaki fyrir nitri, en hann er að finna í miklum mæli í skólpvatni sem, vel að merkja, er annað en seyra sem ku vera tæmd úr þróm á vatnasviði Þingvallavatns. Á meðan fráveitukerfi í þjóðgarðinum eru ekki afkastameiri en gögn benda til og í ljósi sívaxandi ferðamannastraums er eðlilegt að gestir þjóðgarðsins séu vel meðvitaðir um viðkvæmni svæðisins og hlífi því eftir bestu getu.
Rangt að skólpvatn leki í Þingvallavatn Þjóðgarðsvörður á Þingvöllum segir skrif forstöðumanns Náttúruminjastofnunar Íslands, þar sem hann segir frárennslismál í þjóðgarðinum í ólagi, þvætting. Ekkert skólpvatn leki út í Þingvallavatn, allt frárennsli sé keyrt í burtu úr garðinum. 30. júlí 2015 08:00
Gestir Þingvalla kasti af sér vatni fyrir komu Forstöðumaður Náttúruminjasafns Íslands varar við álagi á Þingvelli vegna aukins ferðamannafjölda þar sem fráveita skólps er ekki viðundandi. Hann leggur til að gestir verði beðnir um að létta á sér fyrir komu í þjóðgarðinn. 29. júlí 2015 07:00
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar