Georg Prins stelur sviðsljósinu af mömmu sinni

Í hvert skipti sem Kate Middleton klæðist flík þá selst hún upp nokkrum klukkustundum síðar. Það virðist sem það sama eigi við son hennar, Georg prins. Í hvert skipti sem að Georg sést opinberlega í krúttlegum fötum þá seljast þau upp á nokkrum klukkutímum, sama hverju hann klæðist.

Hann sást um daginn klæðast Croc‘s skóm á góðgerðarsamkomu. Yfirmaður skódeildar Amazon.com sagði að eftir að myndirnar af litla prinsinum birtust í skónum hefði salan á ungbarna Crocs-skóm aukist um 1.500%.

Í skírn systur sinnar á dögunum var hann í rauðum stuttbuxum og hvítri skyrtu sem líktist mjög því sem faðir hans klæddist þegar Harry, litli bróðir hans, var skírður. 

Stuttbuxurnar og skyrtan seldust upp á örfáum klukkutímum eftir skírnina. Settið var frá hönnuðinum Rachel Riley en Georg prins hefur svo sannarlega komið henni á kortið þar sem hann hefur áður klæðst fötum eftir hana sem seldust upp á svipstundu. 

Það verður gaman að sjá hvort litla systir hans, Charlotte Elisabeth Diana prinsessa, muni hafa sömu áhrif á fatamarkaðinn í Bretlandi í framtíðinni.