„Jógúrt að þykjast vera skyr, týpískt“

Mjólkursamsalan hefur birt nýja auglýsingu á netinu þar sem mjólkurrisanum Arla er sendur tónninn. Arla hóf í mars að selja skyr í Bretlandi sem byggt sé á íslenska skyrinu. Fyrirtækið birti fjölmargar auglýsingar sem teknar voru hér á landi og markaðssetning fyrirtækisins hefur farið fyrir brjóstið á mörgum Íslendingum.

Sjá einnig: Arla villir á sér heimildir: Framkvæmdastjóri hjá MS bregst við á Facebook

Í auglýsingunni reynir Skyr.is-dolla frá MS að tala við Arla skyr sem skilur ekki stakt orð í íslensku og talar bara dönsku. Fyrr í mánuðinum var því haldið fram á Facebook síðu skyrs Arla að það væri framleitt Höfn í Hornafirði.