Stórstjörnur mættu óvænt í brúðkaup

Í sínu nýjasta myndbandi kemur sveitin Maroon 5 brúðhjónum á óvart og mætir óvænt í nokkrar brúðkaupsveislur. Mikið hefur verið rætt um myndbandið, sem hefur slegið rækilega í gegn síðan það kom út fyrir réttri viku.

Í fyrstu glöddust margir þegar þeir sáu myndbandið, enda virðist sem svo að allt sé ósvikið; að sveitin hafi í raun mætt óvænt í brúðkaupspartý.

Erlendir miðlar hafa keppst um að greina frá því hvaða leikarar séu í myndbandinu, sem þykjast vera brúðkaupsgestir. Sveitin sjálf hefur ekki tjáð sig um myndbandið en nokkrir leikaranna í því hafa stigið fram og viðurkennt að hafa tekið að sér hlutverk brúðkaupsgesta.

En þrátt fyrir að einhver brúðkaupanna hafi verið sviðsett er staðfest að í það minnsta eitt brúðkaup hafi verið ósvikið. Þangað mættu liðsmenn Maroon 5. Í frétt E! kemur fram að brúðkaupshjónin hafi verið gjörsamlega í skýjunum þegar Adam Levine og strákarnir í Maroon 5 mættu í brúðkaupsveisluna.

Hér að neðan má sjá myndbandið, en horft hefur verið á það í fimmtíu milljón skipta.