Hlustaðu á nýja lagið frá Bang Gang: Plata á leiðinni

Nýtt lag frá Bang Gang er komið út og ber það nafnið My Special One. Plata mun vera á leiðinni og kemur hún út 23. júní á geisladisk og vinyl.

„Vinylútgáfan var unnin í Abbey Road studios og mikið lagt í að hann hljómi eins vel og hugsast getur,“ segir Barði Jóhannsson, kenndur við Bang Gang, í samtali við Vísi.

Aðeins þúsund eintök verða framleidd af þeirri útgáfu.  Gestir á plötunni eru Bloodgroup, Helen Marnie (Ladytron), Jófridur Akadóttir (Samaris) og Keren Ann. Þetta verður fyrsta plata Bang Gang í sjö ár.