Myndband af skemmdunum í Kathmandu hefur nú litið dagsins ljós, þar sem myndbandið er tekið úr lofti með dróna. Þannig er auðveldara að gera sér grein fyrir því miklar skemmdirnar eru.
Jarðskjálftinn sem reið yfir Nepal á laugardaginn var 7,8 stig.
Myndirnar sýna hrunin húsþök, skemd minnismerki og gríðarstórar sprungur í vegum. Fjöldi látinna fer sífellt hækkandi og nú er talað um allt frá 3.700 til 3.900.
Margrét Ingadóttir sem rekur heimili fyrir tólf munaðarlaus börn í Katmandú í Nepal hefur miklar áhyggjur af líðan og öryggi þeirra. Í nótt sváfu þau flest undir berum himni skammt frá heimilinu og veðurspáin var afleit, þrumuveður og rigning.
