Toppliðin unnu bæði sína leiki í 1. deildinni

Viktor Jónsson og Vilhjálmur Pálmason skoruðu tvö mörk hvor þegar Þróttur vann öruggan 4-0 sigur á HK í 1. deild karla í kvöld.

Viktor kom Þrótti yfir á 8. mínútu og átta mínútum síðar tvöfaldaði Vilhjálmur forskotið.

Staðan var 2-0 í hálfleik og fram á 70. mínútu þegar Viktor skoraði sitt annað mark í leiknum og það 14. í sumar. Vilhjálmur bætti svo fjórða marki Þróttar við á 81. mínútu.

Þróttarar eru enn í toppsæti deildarinnar eins stigs forskot á Víking Ólafsvík sem vann 0-2 sigur á Selfossi í kvöld.

Hrvoje Tokic kom Víkingum yfir á lokamínútu fyrri hálfleiks með sínu fyrsta marki fyrir félagið. Það var svo Alfreð Már Hjaltalín sem skoraði seinna mark Víkings á 54. mínútu en þetta var áttunda deildarmark hans í sumar.

Selfoss er í 10. sæti deildarinnar með 13 stig, aðeins tveimur stigum frá fallsæti.

Grótta, sem er í 11. sætinu, vann lífsnauðsynlegan sigur á Grindavík á heimavelli í kvöld.

Hilmar Þór Hilmarsson skoraði eina mark leiksins á 27. mínútu. Þetta var þriðji sigur Gróttu í sumar en lærisveinar Gunnars Guðmundssonar eru nú aðeins tveimur stigum frá næstu liðum fyrir ofan þá.

Upplýsingar um úrslit og markaskorara eru fegnar fráúrslit.net.