„Og svo er ég líka einhleypur“

Vetrarveðrið var óvenjulega milt í Chicago í gær þegar Ethan Renoe ákvað að gera allt vitlaust í netheimum.

Renoe var stöðvaður af veðurfréttamanni á lítilli sjónvarpsstöð í borginni er hann hljóp ber að ofan um stræti Chicago.

Þegar fréttamaðurinn, Tahman Bradley hjá WGN 9, spurði hvað honum gengi eiginlega til svaraði Renoe að það væri einfaldlega of blautt til að vera í bol áður en hann bætti við: „og svo er ég líka einhleypur.“

Myndband af orðaskiptum þeirra Renoe og Bradley rataði á vefinn í gær og síðan þá hafa rúmlega milljón manns barið það augum.

Af þeim viðbrögðum að dæma er alls ekkert víst að Ethan Renoe verði einhleypur mikið lengur. Myndbandið má sjá hér að neðan.

So this just happened. Enjoying the weather, are you, "Ethan"?

Posted by WGN TV on Sunday, 13 December 2015