Shia LaBeouf með læti: Handtekinn fyrir ölvun á almannafæri

Bandaríski leikarinn Shia LaBeouf var handtekinn í Austin í Texas-ríki Bandaríkjanna í gær fyrir ölvun á almannafæri.

Leikarinn frægi sem er líklega þekktastur fyrir hlutverk sitt sem Sam Witwicky í Transformers-myndunum gerðist einnig svo frakkur að ganga yfir götu þrátt fyrir að þar stæði skýrum stöfum „Gangið ekki yfir götuna“ á skilti.

Vitni sögðu að hinn 29 ára gamli Labeouf hefði hagað sér undarlega, hunsað aðvaranir lögreglu auk þess sem áður hafði honum verið hent út af öldurhúsi í nágrenninu. Var hann staddur í borginni vegna Austin City Limits tónlistarhátíðarinnar sem nú stendur yfir.

Mátti leikarinn dúsa í fangelsi um skamma hríð áður en að honum var sleppt en undanfarin ár hefur hann helst ratað í fjölmiðla sín fyrir uppátæki sín í næturlífinu, fremur en afrek á hvíta tjaldinu.

Shia Labeouf just got arrested outside my bar lol pic.twitter.com/mYFoWx05Hf

— Kelsie Nugent (@kelsie_rae) October 10, 2015