Hlustaðu á 4.000 fjöl­bragða­glímu­að­dá­endur öskur­syngja Like a Pra­yer

Hvernig hljóma 4.000 fjölbragðaglímuaðdáendur, sennilega flestir karlkyns, að öskra úr sér lungun með Madonnu-lagi? Hafir þú einhverntíman velt því fyrir þér þá er svarið komið.

Glímukappinn Grado, en hans raunverulega nafn er Greame Stevely, er í uppáhaldi margra í þessum heimi en hann hefur það fyrir sið að mæta til keppni undir laginu Like a Prayer með Madonnu.

Fyrr á þessu ári hóf hann herferðina #SayYesMadonna eftir að söngkonan meinaði honum að nota lagið á bardagakvöldi sem fram fór í Bandaríkjunum en hún virðist hafa tekið hann í sátt núna.

Myndband af þessari skemmtilegu innkomu má sjá hér að neðan.