Geyma eða gleyma: Á Svampur að fara í ruslið?

Tískan fer oft í hringi og sumar flíkur sem þóttu hallærislegar fyrir nokkrum árum eru kannski í dag komnar aftur í tísku.

Lífið á Vísi hefur ákveðið að byrja með nýjan dagskrálið þar sem lesendur eru spurðir álits um allskonar flíkur. Lífið fékk senda mynd af peysu sem var keypt á dögunum í Forever 21.

Ef lesendur okkar eiga flíkur heima sem þeir eru að velta fyrir sér hvort gangi eða ekki, mega endilega senda póst á stefanp@365.is.

„Peysan var pöntuð af Forever 21 og af öllum flíkunum í kassanum var ég langspenntastur að taka þessa upp,“ segir eigandinn.

„Ég er svona 130% viss um að ég pulla hana þrátt fyrir að viðbrögðin hafi verið misjöfn. Fyrrum vinnuveitendur hafa gert mikið grín að henni og stöku maður sem ég mæti út á götu hefur sungið upphafslagið úr þáttunum um Svamp Sveinsson þegar þeir hafa mætt mér. Langflestir hrósa samt glæsilegri peysu. Ég hreinlega trúi ekki öðru en að þessi gæðagripur endi örugglega í geyma flokknum“

Nú spyrjum við okkar lesendur,  geyma eða gleyma?