Innlent

Albanska fjölskyldan fær húsgögnin í dag

sunna karen sigurþórsdóttir skrifar
Íbúð fjölskyldunnar er nánast tóm en gjafirnar munu eflaust koma sér vel. Hildur segir fjölskyldunni þó ekki hafa borist sjónvarp, sófaborð eða eldhúsborð, en þeir sem vilja leggja fjölskyldunni lið geta haft samband við deildina.
Íbúð fjölskyldunnar er nánast tóm en gjafirnar munu eflaust koma sér vel. Hildur segir fjölskyldunni þó ekki hafa borist sjónvarp, sófaborð eða eldhúsborð, en þeir sem vilja leggja fjölskyldunni lið geta haft samband við deildina. vísir/vilhelm
Albanska fjölskyldan í Laugarneshverfi fær í dag afhent húsgögnin sem nokkrir Íslendingar hafa safnað handa henni undanfarna daga. Fjölskyldan hefur haft stöðu hælisleitenda hér á landi síðustu fjóra mánuði, en átt lítið milli handanna og búið í nánast tómri íbúð.

Eftir fréttaflutning um fjölskylduna í síðustu viku höfðu fjölmargir samband við fréttastöfu og óskuðu eftir að koma til þeirra fatnaði, ritföngum, skólatöskum, tölvum og fleiru. Þeim var vísað á Rauða krossinn í Hafnarfirði sem sér um félagsleg verkefni vegna hælisleitenda. Hafnarfjarðardeildinni bárust svo mörg símtöl að þar fór starfið úr skorðum og brugðið var á það ráð að biðja fólk sem vildi gefa fjölskyldunni gjafir að senda tölvupóst á netfangið hafnarfjordur@redcross.is.

Systkinin Janie, Petrit, Laura ásamt föður þeirra, Hasan.vísir/vilhelm
Þarfagreining þurfti að fara fram á því sem þau vantaði að sögn Rauða krossins og var því ekki hægt að afhenda fjölskyldunni gjafirnar um hæl.

„Það kom eitthvað af húsgögnum til okkar og við eigum von á fjölskyldunni til okkar í dag. Við fengum helst minni húsbúnað, þ.e lítil raftæki, kaffivél og skrifborð og skrifborðsstól,“ segir Hildur Tryggvadóttir Flóvenz, hjá Hafnarfjarðardeild Rauða krossins.

Hildur segir deildinni jafnframt hafa borist eitthvað af skóladóti fyrir systkinin. „Það hafa fleiri verið að safna skóladóti fyrir þau, þannig að þau fái allt sem þau þurfi. En við þurfum fyrst að vera í samskiptum við skólaskrifstofurnar og Reykjavíkurborg áður en við getum afhent þeim allt sem þau þurfa fyrir skólann, en eins og ég segi þá erum við að vinna í að útvega þeim því sem þau þurfa,“ segir hún.

Systkinin eru þrjú, 13 ára, 15 og níu ára. Þau hófu sinn fyrsta skóladag í gær, en Útlendingastofnun lét hjá líða að sækja um skólavist fyrir þau, og fengu þau því ekki inni í grunnskóla fyrr en fréttir um málið birtust í Fréttablaðinu og á Vísi. Stöð 2 fékk að heimsækja þann yngsta, Petrit, í skólann í gær, eins og sjá má í myndskeiðinu hér fyrir neðan.


Tengdar fréttir

Forstjóri Útlendingastofnunar: "Þetta voru mistök hjá okkur“

Samtökin, Barnaheill - save the children á Íslandi, segja engan vafa á því að verið sé að brjóta barnasáttmála sameinuðu þjóðanna með því að veita börnum hælisleitenda ekki skólavist, en á annan tug barna í slíkum aðstæðum eru nú utan skóla hér á landi. Forstjóri Útlendingastofnunar segir stofnunina ekki anna eftirspurn.

Albönsku börnin komin í skóla: Mikil gleði fyrsta skóladaginn

Faðir þriggja albanskra barna, sem hingað til hafa ekki fengið skólavist í íslenskum grunnskólum, segir daginn í dag afar ánægjulegan, en í morgun byrjuðu börn hans loksins í skólanum. Yngsti sonur hans segir skemmtilegast að læra stærfræði og leika sér við aðra krakka.

Gjafir og góðvild bárust ekki systkinum

Þau Laura, Janie og Petrit geta öll hafið skólagöngu á Íslandi innan fárra daga en eiga ekkert til skólagöngunnar. Fjölmargir vildu leggja börnunum lið og gefa þeim gjafir til að létta undir með þeim.

Skólastjóri Laugalækjarskóla býður systurnar Lauru og Janie velkomnar

Útlendingastofnun hefur haft samband við Laugalækjarskóla og Laugarnesskóla og beðið um skólavist fyrir systkinin, Lauru, Janie og Petrit. Björn M. Björgvinsson skólastjóri Laugalækjarskóla staðfestir þetta. "Þær eru búnar að fá skólavist, það á aðeins eftir að ganga frá nokkrum formsatriðum, við þurfum örfáa daga til þess að undirbúa þær fyrir skólann,“ segir hann og segir skólann munu taka vel á móti þeim.

Börn hælisleitenda fá ekki skólavist

Þau Laura fimmtán ára, Janie þrettán ára og Petrit níu ára komu til Íslands í byrjun júní. Þau spyrja foreldra sína daglega hvenær þau fái að fara í skóla. Útlendingastofnun sótti ekki um skólavist fyrir systkinin þrátt fyrir ítrekaðar áminningar foreldra barnanna, lögfræðinga og umboðsmanns barna.




Fleiri fréttir

Sjá meira


×