Fótbolti

Næsta mark Ronaldo númer 500 á ferlinum

Kristinn Páll Teitsson skrifar
Einn sá besti í sögunni.
Einn sá besti í sögunni. Vísir/Getty
Næsta mark Cristiano Ronaldo, leikmanns Real Madrid og portúgalska landsliðsins, verður mark númer 500 á ferlinum í treyju Real Madrid, Manchester United, Sporting og portúgalska landsliðsins.

Twitter-síða Opta greinir frá þessu í dag

Ronaldo svaraði þeim örfáu sem þorðu að gagnrýna hann eftir fyrstu tvær umferðir spænsku deildarinnar um síðustu helgi er hann skoraði fimm mörk í 6-0 sigri Real Madrid á Deportivo. Fylgdi hann því eftir með þrennu gegn Shaktar Donetsk í gær.

Ronaldo virðist vera að slá met til gamans en hann er nú þegar orðinn markahæsti leikmaður Real Madrid í spænsku úrvalsdeildinni og er hann aðeins tveimur mörkum frá því að vera markahæsti leikmaður liðsins í öllum keppnum.

Hefur hann skorað 325 af þessum 499 mörkum með hægri fæti, þar af 81 af vítapunktinum, 89 með vinstri fæti, 83 skallamörk og tvö með öðrum hætti.

Spænski boltinn

Mest lesið


Fleiri fréttir

Sjá meira


×

Mest lesið