Real gerði markalaust jafntefli við nýliðana

Real Madrid tapaði strax tveimur mikilvægum stigum í toppbaráttunni sem framundan er í spænsku úrvalsdeildinni í knattspyrnu, en Real gerði markalaust jafntefli við nýliða Sporting Gijon.

Madrídarliðið náði ekki að brjóta á bak sterkan varnarleik nýliðana sem fengu einnig færi til þess að vinna leikinn. Gestirnir fengu þó betri færi, en lokatölur markalaust jafntefli.

Það er ljóst að þetta verður ekki til að auka vinsældir Rafa Benitez, stjóra Real Madrid, en ráðning hans var umdeild.

Real er því strax komið tveimur stigum á eftir Barcelona, en Barcelona vann Athletic Bilbao 1-0 í dag.