Vil sjá fleiri eldri konur í golfi

 „?Ég lét hafa mig í formennsku og þetta er fyrsta árið mitt. Mér skilst það séu ekki margar konur sem gefa sig í slík embætti, hvorki hér né í nágrannalöndunum,“? segir Kolbrún Stefánsdóttir, eina konan sem hefur gegnt formennsku í Landssamtökum eldri kylfinga í þrjátíu ára sögu þeirra.

„?Starfið gengur út á að halda golfmót hér og þar fyrir eldri kylfinga. Við erum með níu móta röð á hverju ári þar sem fólk keppir til landsliðs. Núna eru til dæmis konur að fara til Litháen að keppa á Evrópumóti eldri kylfinga,“? lýsir Kolbrún þegar hún er spurð út í markmið samtakanna.

Kolbrún segir um fjögur landslið að ræða; fyrir konur yfir 50 ára aldri, karla 55 ára og eldri með forgjöf, karla á sama aldri án forgjafar og karla 70 ára og eldri. „?Með því að taka þátt í þessum níu mótum okkar, þar sem sex bestu hringirnir telja, komast þeir sex bestu áfram í landsliðin," útskýrir hún.

Eldri kylfingar eru ekki með sérstakan golfvöll heldur fá lánaða velli. Það krefst skipulagningar. ?„Aðalvinnan er að útvega velli og styrktaraðila,“? segir Kolbrún og tekur fram að mörg góð fyrirtæki styrki mótin.

„?Starfið snýst líka um að velta hverri krónu mörgum sinnum til að láta enda ná saman. Við söfnum ekki fé, aðalmálið er að halda starfseminni gangandi.?

Um sjö þúsund manns eru í Landssamtökum eldri kylfinga að sögn Kolbrúnar. Hún segir allt of fáar konur þar og kveðst vilja sjá miklu fleiri. „?Vandinn við okkur konurnar er að við höldum að við þurfum að vera svo góðar. En allir sem koma einu sinni á mót hjá okkur koma aftur því þau eru svo skemmtileg.“

?

Kolbrún segir aldrei of seint að byrja í golfi. ?„Auðvitað er yngra fólk fljótara að tileinka sér hreyfingarnar en ég veit um fólk sem er nýhætt að vinna og byrjaði í golfi fyrir fjórum, fimm árum, það er að keppa um að komast inn í næsta landslið. Þetta fer allt eftir ástundun og áhuga og Landssamtök eldri kylfinga er voða góður félagsskapur.“

? 

Nú er Kolbrún að komast í tímaþröng því hún á pantaða golfbraut eftir hálftíma. Hversu títt skyldi hún heimsækja völlinn? „?Ég fer þrisvar til fimm sinnum í viku ef vel viðrar.“?