Hvalir eru mikilfenglegar skepnur og kemur fjöldi ferðamanna hingað til lands ár hvert til að berja þá augum. Hvalaskoðunarfyrirtæki á Akureyri fékk fyrir skemmstu dróna til að fanga sjónarspilið sem blasir við fólki í hvalaskoðun.



Fjöldi hvala hefur sést í Eyjafirði það sem af er sumri en hjá hvalaskoðunarfyrirtækinu Ambassador á Akureyri muna menn vart eftir betra sumri. Sýningarhlutfallið það sem af er sumri hefur verið hátt í hundrað prósent. Algengt er að um tíu til fimmtán hnúfubakar sjáist í hverri ferð.



Það var framleiðslufyrirtækið Arctic Bird Eye sem sá um myndatöku en myndbandið má sjá hér að neðan.