Frysting nýjasta megrunaræðið

Nýjasta megrunaræðið vestanhafs er að láta frysta sig í þar til gerðum klefa. New York Post greinir frá þessu. Lindsay Lohan og Mandy Moore eru meðal þeirra sem hafa prófað æðið.

Meðferðin kallast á ensku „cryotherapy“ eða lághitameðferð og felst í því að kúnnar dvelja í þrjár mínútur inni í klefa sem dælir út ísköldu lofti, á bilinu - 180 til - 120 gráður á celsius.

Meðferðin á að hraða brennslu, liðka vöðva, fletja útþaninn maga, minnka appelsínuhúð og á meðan henni stendur brenna kúnnarnir 800 kaloríum – að sögn meðferðaraðila. Stofnanir sem sérhæfa sig í meðferðinni hafa skotið upp kollinum á Manhattan í New York ríki á árinu en þar ber að nefna KryoLife og Elite Total Body Cryotherapy.

CryoYourMind #ZimmerIceLab I'm at it again!! @liketoknow.it www.liketk.it/1twG6 #liketkit

A photo posted by Lindsay Lohan (@lindsaylohan) on Jun 15, 2015 at 8:25am PDT

Hún hefur þó frískandi áhrif á skap og líðan; á sama hátt og sjósund og köld böð. „Mér leið eins og ég hefði drukkið fjórar dósir af Red bull og væri Disney-starfsmaður í vímu,“ sagði blaðamaður hjá tímariti í New York sem kaus að gefa ekki upp nafn sitt.

Þrátt fyrir að þessi tiltekna meðferð sé tiltölulega nýorðin vinsæl eru ekki nýjar fréttir að ískuldi geti haft góð áhrif á heilsu þína. Húsráð á borð við að setja frystivörur á bólgin svæði eftir tognanir eða höfuðáverka eða frystar gúrkur á bólgin augu eru ekki ný af nálinni. Til dæmis skrifaði Hippókrates, sá er eiður læknanema er kenndur eftir, hvernig nota má ís til þess að lina sársauka fyrir mörg þúsund árum. Íþróttamenn hafa þá jafnframt notast við ísböð til að minnka bólgur eftir æfingar og auka afköst í íþróttum.

Japanir þróuðu meðferðina sem er nú að verða uppáhalds megrunaraðferð stórstjarna árið 1978 gegn gigt.

Crying laughing omg #ZimmerIceLab @brittanymbyrd #virgin2Cryotherapy hahahaha

A photo posted by Lindsay Lohan (@lindsaylohan) on Jun 15, 2015 at 8:31am PDT

Lýtalæknirinn Steven Levine segir að kæla líkamann hafi bólguminnkandi áhrif en varar við því að sveipa meðferðina einhvers konar kraftaverkaljóma. „Ef það væri leið til þess að brenna 800 kaloríum á þremur mínútum þá væri meðferðin enn vinsælli en raun ber vitni,“ sagði Levine í samtali við New York Post. „Og talsvert dýrari.“

180 sekúndna meðferð kostar níutíu dollara eða rétt um tólfþúsund krónur íslenskar. 

Starting our Monday off right! A little #risenation and #cryotherapy with this gem, @chaseweideman.

A photo posted by Mandy Moore (@mandymooremm) on Apr 20, 2015 at 11:34am PDT