Var þetta hendi? | Sjáðu mörkin úr FH-KR

KR komst á topp Pepsi-deildar karla með 3-1 sigri á FH á Kaplakrikavelli í gær. FH leiddi, 1-0, í hálfleik en fékk þrjú mörk á sig í síðari hálfleik.

FH-ingar voru mjög ósáttir við fyrstu tvö mörk KR sem komu með stuttu millibili snemma í síðari hálfleik. Fyrst skoraði KR úr umdeildri vítaspyrnu áður en Gary Martin kom KR-ingum yfir. FH-ingar sögðu að Óskar Örn Hauksson hefði handleikið boltann í aðdraganda marksins.

„Það breytir gjörsamlega leiknum. Það er ekkert launungamál að við misstum hausinn. En hvaða lið myndi ekki gera það með svona dómgæslu?“ sagði Davíð Þór Viðarsson, fyrirliði FH, eftir leikinn í gær.

Sjáðu mörkin í spilaranum hér fyrir ofan.